അച്ഛനൊപ്പം സ്കൂട്ടറില്‍ ഇരുന്ന കുട്ടി അറിയാതെ ആക്‌സിലേറ്റര്‍ തിരിച്ചു; വണ്ടി തുണിക്കടയിലേക്ക് ഇടിച്ചുകയറി; അത്ഭുതകരമായ രക്ഷപെടല്‍

 ആലപ്പുഴ: കുട്ടി അറിയാതെ ആക്‌സിലേറ്റർ തിരിച്ചതോടെ നിയന്ത്രണം വിട്ട സ്കൂട്ടർ തുണിക്കടയിലേക്ക് ഇടിച്ചു കയറി. ഹരിപ്പാട്ട് ഫിദ ടെക്സ്റ്റൈല്‍സില്‍ ഇന്നലെ ഉച്ചയ്ക്ക് ശേഷമാണ് അപകടമുണ്ടായത്.വണ്ടിയിലിരുന്ന ആളുകളും കടയിലുണ്ടായിരുന്ന ആളുകളും അത്ഭുതകരമായി രക്ഷപ്പെട്ടു. അപകടത്തിന്റെ ഞെട്ടിക്കുന്ന സിസിടിവി ദൃശ്യങ്ങള്‍ പുറത്ത് വന്നു.

ഹരിപ്പാടുളള തുണികള്‍ വാങ്ങാനെത്തിയതായിരുന്നു ഭർത്താവും ഭാര്യയും കുഞ്ഞും അടങ്ങുന്ന കുടുംബം. ഭർത്താവും കുട്ടിയും വണ്ടിയിലിരിക്കുകയായിരുന്നു. ഭാര്യ കടയിലേക്ക് കയറി തുണികള്‍ നോക്കുന്നതിനിടെ വണ്ടിയിലിരുന്ന കുട്ടി സ്കൂട്ടറിന്റെ ആക്സിലേറ്റർ തിരിച്ചതാണ് വണ്ടി നിയന്ത്രണം വിട്ട് ഇടിച്ചുകയറാൻ കാരണമായത്.

ഓണം വിപണിക്ക് വേണ്ടി കൊണ്ടുവന്ന തുണികെട്ടുകള്‍ കടയില്‍ നിരത്തിവെച്ചിരുന്നു. ഭാര്യയെയും ഇടിച്ച്‌ തുണിക്കെട്ടിലേക്ക് വാഹനം ഇടിച്ചുകയറി നിന്നതിനാല്‍ വലിയ അപകടം ഒഴിവായി. തലനാരിഴയ്ക്കാണ് കടലിലുണ്ടായിരുന്നവരടക്കം എല്ലാവരും രക്ഷപ്പെട്ടത്.