ഒറ്റക്കെട്ടായി മുന്നോട്ടുപോയേ തീരൂ ; രാഹുല്‍ ഗാന്ധി.
കേരളത്തിലെ കോണ്‍ഗ്രസ് നേതാക്കള്‍ക്ക് കര്‍ശന നിര്‍ദേശവുമായി രാഹുല്‍ ഗാന്ധി. കേരളത്തിലെ നേതാക്കള്‍ ഒറ്റക്കെട്ടായി മുന്നോട്ടുപോയേ തീരു എന്ന് രാഹുല്‍ പറഞ്ഞു. പ്രതിപക്ഷ നേതാവ് വി.ഡി സതീശന്‍ കെപിസിസി അധ്യക്ഷനെതിരെയും കെപിസിസി വര്‍ക്കിംഗ് പ്രസിഡണ്ടുമാര്‍ വി.ഡി സതീശനെതിരെയും എഐസിസി യോഗത്തില്‍ പരാതി ഉന്നയിച്ചതായാണ് വിവരം. കെപിസിസി അധ്യക്ഷന്‍ കൂടിയാലോചനകള്‍ നടത്തുന്നില്ലെന്നാണ് വി.ഡി സതീശന്‍ പരാതി പറഞ്ഞത്. നിസഹകരണം പ്രതിപക്ഷ നേതാവിന്റെ ഭാഗത്തുനിന്നാണ് ഉണ്ടാകുന്നതെന്ന് കെപിസിസി വര്‍ക്കിംഗ് പ്രസിഡണ്ടുമാര്‍ പറഞ്ഞു. ചര്‍ച്ചയ്ക്ക് ശ്രമിച്ചിട്ടും വഴങ്ങിയില്ലെന്നാണ് ആരോപണം. ശനിയാഴ്ച സംസ്ഥാനത്ത് തദ്ദേശ തെരഞ്ഞെടുപ്പ് പ്രചാരണത്തിന് കോണ്‍ഗ്രസ് ഔദ്യോഗികമായി തുടക്കമിടാനിരിക്കുകയാണ്. രണ്ട് നിര്‍ണായക തെരഞ്ഞെടുപ്പുകള്‍ അടുത്തിരിക്കെ കേരളത്തിലെ കോണ്‍ഗ്രസ് പാര്‍ട്ടിക്കുളളിലെ പ്രശ്‌നങ്ങള്‍ പരിഹരിക്കുക എന്ന ലക്ഷ്യത്തോടെയാണ് എഐസിസിസി അടിയന്തര യോഗം വിളിച്ചത്. ഭാരവാഹി പട്ടികയില്‍ അതൃപ്തി പരസ്യമാക്കിയ നേതാക്കളെ പാര്‍ട്ടി അധ്യക്ഷന്‍ മല്ലികാര്‍ജുന്‍ ഖര്‍ഗെയും രാഹുല്‍ ഗാന്ധിയും പ്രിയങ്കാ ഗാന്ധിയും പ്രത്യേകം കണ്ടു. കെപിസിസി മുൻ അധ്യക്ഷൻ കെ.സുധാകരനും ഹൈക്കമാൻഡിനെ അതൃപ്തി അറിയിച്ചിരുന്നു. അതൃപ്തി മുഖത്തുനോക്കി പറഞ്ഞെന്നും നേതാക്കന്മാരാണ് പാർട്ടിയില്‍ അനൈക്യമുണ്ടാക്കുന്നവർ എന്നുമാണ് കെ.സുധാകരൻ പറഞ്ഞത്. 'അനൈക്യം ഉണ്ടാക്കുന്നത് നിർത്തിയാല്‍ അടുത്ത തെരഞ്ഞെടുപ്പില്‍ വിജയിച്ചുവരാം. അല്ലെങ്കില്‍ വെളളത്തിലാകും. അനുകൂല നടപടികള്‍ പ്രതീക്ഷിക്കുന്നു എന്നാണ് കെ.സുധാകരൻ പറഞ്ഞത്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments