പതിനായിരങ്ങൾക്ക് അന്നദാനത്തോടെ മുഹിമ്മാത്ത് ഉറൂസ് ഇന്ന് സമാപിക്കും (ശനി)
ഇന്ന് രാവിലെ ഖുര്ആന് പഠനം പൂര്ത്തീകരിച്ച ഹാഫിസുകള്ക്കും ഹിമമി പണ്ഡിതര്ക്കും സ്ഥാന വസ്ത്രങ്ങള് വിതരണം ചെയ്യും. സമസ്ത കേന്ദ്ര മുശാവറാംഗം മുഹമ്മദലി സഖാഫി തൃക്കരിപ്പൂര് ഉദ്ഘാടനം ചെയ്യും. രാവിലെ 9 30 ന് മൗലിദ് മജ് ലിസിന് സയ്യിദ് ജലാലുദ്ദീന് അല്ബുഖാരി സഅദി, സയ്യിദ് സ്വാലിഹ് തുറാബ് തങ്ങള് എന്നിവരും രാവിലെ 11ന്ഖത്തം ദുആ മജ്ലിസിനു സ്വാലിഹ് സഅദി തളിപ്പറമ്പും നേതൃത്വം നല്കും.
ഉച്ചക്ക് രണ്ടിന് സാംസ്കാരിക സമ്മേളനം എ കെ എം അഷ്റഫ് എം എല് എ ഉദ്ഘാടനം ചെയ്യും. കൂറ്റമ്പാറ അബ്ദുറഹ്മാന് ദാരിമി, സി എന് ജഹ്ഫര് മാസ്റ്റർ വിഷയവതരണം നടത്തും. എന് എ നെല്ലിക്കുന്ന് എം എല് എ, അഡ്വ. സി എച്ച് കുഞ്ഞമ്പു എം എല് എ, ജില്ലാ പഞ്ചായത്ത് പ്രസിഡണ്ട് സാബു അബ്രഹാം, ജില്ല പഞ്ചായത്ത് അംഗങ്ങളായ അസീസ് കളത്തൂര്, സോമശേഖര് തുടങ്ങിയ ജനപ്രതിനിധികൾ സംബന്ധിക്കും. സമാപന സമ്മേളനത്തിൽ ഹാഫിളീങ്ങളും ഹിമമികളുമായ എഴുപത്തി ഒൻപത് പണ്ഡിതന്മാർ സനദ് സ്വീകരിക്കും. പതിനായിരങ്ങൾക്ക് അന്നദാനം നൽകുന്നതോടെ പരിപാടി സമാപിക്കും.
ഫോട്ടോ: മുഹിമ്മാത്ത് അഹ്ദൽ ഉറൂസ് പ്രാർത്ഥന സദസ്സിന് സമസ്ത സെക്രട്ടറി സയ്യിദ് ഇബ്രാഹിം ഖലീൽ അൽ ബുഖാരി നേതൃത്വം നൽകുന്നു.
No comments