മെഡിസെപ്പ് പ്രീമിയം വർധനവ് പിൻവലിക്കണം: കെഎസ്എസ്പിഎ

ചട്ടഞ്ചാൽ :  പെൻഷൻകാരുടെയും ജീവനക്കാരുടെയും ആരോഗ്യ സുരക്ഷാ പദ്ധതി മെഡിസെപ്പിന്റെ പ്രതിമാസ പ്രീമിയം എണ്ണൂറ്റിപ്പത്ത് രൂപയായി വർധിപ്പിക്കുവാനുള്ള സർക്കാർ തീരുമാനത്തിൽ പ്രതിഷേധിച്ച് കെഎസ്എസ്പിഎ ഉദുമ നിയോജകമണ്ഡലം കമ്മറ്റിആഭിമുഖ്യത്തിൽ ചട്ടഞ്ചാൽ സബ്ബ് ട്രഷറി ഓഫീസ് പടിക്കൽ പ്രകടനവും ധർണ്ണയും നടത്തി. 

മെഡിസെപ്പ് ഇൻഷുറൻസ് പദ്ധതിക്ക് നിലവിൽ പെൻഷൻകാർക്ക് നൽകി വരുന്ന 500രൂപ മെഡിക്കൽ അലവൻസിനു പുറമേ

310രൂപ അധികം ഈടാക്കാനുള്ള ഏകപക്ഷീയമായ സർക്കാർ തീരുമാനം ഉടൻ പിൻവലിച്ച് ക്യാഷ്ലെസ് ആയി പദ്ധതി നടപ്പാക്കണമെന്ന് ധർണ്ണ ഉദ്ഘാടനം ചെയ്തു കൊണ്ട് കെഎസ്എസ്പിഎ ജില്ലാ വൈസ് പ്രസിഡണ്ട് കുഞ്ഞിക്കണ്ണൻകരിച്ചേരി ആവശ്യപ്പെട്ടു.

12-ാം ശമ്പള- പെൻഷൻ പരിഷ്ക്കരണം നടപ്പാക്കുന്നതിന്റെ ഭാഗമായി കമ്മീഷനെ ഉടൻ നിയമിക്കുക, കുടിശ്ശികയായ 13% ക്ഷാമാശ്വാസം നൽകുക, മുൻകാല പ്രാബല്യമില്ലാതെ പിടിച്ചുവെച്ച ക്ഷാമാശ്വാസവും ആനുകൂല്യങ്ങളും തിരിച്ചു നൽകുക തുടങ്ങിയ ആവശ്യങ്ങളും ഉന്നയിച്ചു.

 നിയോജക മണ്ഡലം പ്രസിഡണ്ട് കെ.വി.വിജയൻ അധ്യക്ഷത വഹിച്ച യോഗത്തിൽ ബാബുമണിയങ്ങാനം,ഇ. മീനാകുമാരി,എ. ദാമോദരൻമാസ്റ്റർ, കെ.ശൈലജകുമാരി, ഇ. സുശീല, സി.കെ. വേണു,കെ.ബി.ശ്രീധരൻ, പുരുഷോത്തമൻ ചെമ്പരിക്ക, മേരിമാർഗരറ്റ്, കനകവല്ലി.എൻ, ലക്ഷ്മണ. കെ, അബ്ദുൾ ഖാദർ ബേഡകം, ഭാസ്ക്കരൻ കുട്ട്യാനം എന്നിവർ സംസാരിച്ചു.

കെ.ചാത്തുക്കുട്ടി നായർ, ജോസ് മാത്യു, രവി പയർ പള്ളം, കെ. അശോകൻ, രാഘവൻ പനയാൽ, രമേശൻ ബി.ടി, തമ്പാൻ കാനത്തൂർ തുടങ്ങിയവർ പ്രകടനത്തിന് നേതൃത്വമേകി.

ഫോട്ടോ :  മെഡിസെപ്പ് പ്രീമിയം വർധനവിനെതിരേ ചട്ടഞ്ചാൽ ട്രഷറി ഓഫീസ് പടിക്കൽ കെഎസ്എസ്പിഎ ഉദുമ നിയോജകമണ്ഡലം കമ്മറ്റി നടത്തിയ ധർണ്ണസമരം ജില്ലാ വൈസ് പ്രസിഡണ്ട് കുഞ്ഞിക്കണ്ണൻ കരിച്ചേരി ഉദ്ഘാടനം ചെയ്തു

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa