*ശത്രു ഉപഗ്രഹങ്ങളെ നിരീക്ഷിക്കാം, ഭ്രമണപഥത്തിൽ ചാരക്കണ്ണുകൾ തുറന്ന് ഇന്ത്യ; ദൗത്യം വിജയകരമാക്കി അസിസ്റ്റ*
ഫെബ്രുവരി മൂന്നിനായിരുന്നു പുതിയ സാങ്കേതിക വിദ്യ വിജയകരമായി പരീക്ഷിച്ചത്. 80 കിലോ ഭാരമുള്ള ഭൗമ നിരീക്ഷണ ഉപഗ്രഹമായ എഎഫ്ആർ ഉപയോഗിച്ചായിരുന്നു പരീക്ഷണം. രാജ്യാന്തര ബഹിരാകാശ നിലയത്തിന്റെ (ഐഎസ്എസ്) ചിത്രങ്ങളാണ് അസിസ്റ്റ വിജയകരമായി പകർത്തിയത്. വെല്ലുവിളി നിറഞ്ഞതായിരുന്നു ദൗത്യം. ശക്തമായ സൂര്യപ്രകാശത്തിന്റെ സാന്നിധ്യത്തിലും അസിസ്റ്റ ഐഎസ്എസിന്റെ രണ്ട് ചിത്രങ്ങള് പകർത്തി. യഥാക്രമം 300, 250 കിലോമീറ്റർ അകലെ നിന്നാണ് ഈ ചിത്രങ്ങൾ പകർത്തിയിരിക്കുന്നത്.
ഭ്രമണപഥത്തിലെ വസ്തുക്കളുടെ കൃത്യമായ ട്രാക്കിങ് അസിസ്റ്റ വഴി നടത്താൻ സാധിക്കുമെന്നതാണ് പ്രത്യേകത. ഇതേ സാങ്കേതികവിദ്യ ഉപയോഗിച്ച് ഭാവിയിൽ ബാലിസ്റ്റിക് മിസൈലുകളെ നിരീക്ഷിക്കാൻ സാധിക്കുമെന്നും വിലയിരുത്തപ്പെടുന്നു. 50,000 കോടി രൂപയിലധികം വിലമതിക്കുന്ന 50-ലധികം ഉപഗ്രഹങ്ങളാണ് ഇന്ന് ഇന്ത്യ ബഹിരാകാശത്ത് പ്രവർത്തിപ്പിക്കുന്നത്. ആശയവിനിമയം, നാവിഗേഷൻ, ഭൂനിരീക്ഷണം തുടങ്ങിയവയാണ് ഈ ഉപഗ്രഹങ്ങളുടെ പ്രവർത്തനം. ഭ്രമണപഥത്തിലെ ഈ ഉപഗ്രഹങ്ങളെ കൃത്യതയോടെ നിരീക്ഷിക്കാനും സമയബന്ധിതമായ വിവരങ്ങൾ ലഭിക്കാനും പുതിയ സാങ്കേതിക വിദ്യ സഹായിക്കും.
അഹമ്മദാബാദിലെ വരാനിരിക്കുന്ന ഇലക്ട്രോ-ഒപ്റ്റിക്കൽ പേലോഡ് നിർമാണ കേന്ദ്രത്തിൽ നിന്ന് 25 സെന്റീമീറ്റർ വരെ റെസല്യൂഷനിൽ ഐഎസ്എസിന്റെ ചിത്രം പകർത്താൻ ശേഷിയുള്ള അടുത്ത തലമുറ തദ്ദേശീയ പേലോഡുകൾ നിർമിക്കുകയാണെന്നാണ് അസിസ്റ്റ സ്പേസ് പറയുന്നത്. ഭ്രമണപഥത്തിൽ എന്താണ് സംഭവിക്കുന്നതെന്ന് നിരീക്ഷിക്കാനും മനസ്സിലാക്കാനുമുള്ള രാജ്യത്തിന്റെ കഴിവ് പുതിയ സാങ്കേതിക വിദ്യയുടെ സഹായത്തോടെ വികസിക്കുകയാണ്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments