*യു.എ.ഇയിലെ സ്കൂളുകൾക്ക് 9 ദിവസത്തെ അവധി**ബലിപെരുന്നാളും ഇടക്കാല അവധിയും ഒരുമിച്ച് വിദ്യാഭ്യാസ മന്ത്രാലയത്തിന്റെ പ്രഖ്യാപനം*

അബൂദബി : യു.എ.ഇയിലെ വിദ്യാലയങ്ങൾക്ക് ബലിപെരുന്നാളിനോടനുബന്ധിച്ചും മൂന്നാം ടേമിലെ ഇടക്കാല അവധിയായും മെയ് 25 മുതൽ 29 വരെ അവധി പ്രഖ്യാപിച്ചു. ശനി, ഞായർ വാരാന്ത്യ അവധികളും ചേർന്നതോടെ വിദ്യാർത്ഥികൾക്കും അധ്യാപകർക്കും ഭരണവിഭാഗം ജീവനക്കാർക്കും ആകെ ഒമ്പത് ദിവസത്തെ വിശ്രമം ലഭിക്കും. അവധിക്ക് ശേഷം ജൂൺ 1-ന് സ്കൂളുകൾ വീണ്ടും തുറക്കും.

അന്തിമ പരീക്ഷകൾക്ക് മുന്നോടിയായി ജൂൺ 15, 16 തീയതികളിൽ മോക്ക് പരീക്ഷകൾ നടക്കും. തുടർന്ന് ജൂൺ 17-ന് ഹിജ്റ പുതുവർഷത്തോടനുബന്ധിച്ച് ഔദ്യോഗിക അവധിയും ഉണ്ടായിരിക്കും. വാർഷിക പരീക്ഷകൾ ജൂൺ 24 മുതൽ ജൂലൈ 3 വരെ നടത്താനാണ് തീരുമാനിച്ചിരിക്കുന്നത്. ജൂലൈ 3-ന് ക്ലാസുകൾ അവസാനിക്കുന്നതോടെ ഈ അധ്യയന വർഷം സമാപിക്കും.

മൂന്നാം ടേം പരീക്ഷയിൽ പരാജയപ്പെട്ട വിദ്യാർത്ഥികൾക്ക് ജൂലൈ 6 മുതൽ 9 വരെ പുനഃപരീക്ഷകൾ നടക്കും. വാർഷിക ഫലങ്ങൾ ജൂലൈ 12, 13 തീയതികളിൽ പ്രസിദ്ധീകരിക്കും. അധ്യാപകരും ഭരണവിഭാഗം ജീവനക്കാരും ജൂലൈ 18 മുതൽ വേനൽ അവധിക്ക് പ്രവേശിക്കും. അതിന് മുമ്പായി ജൂലൈ 13 മുതൽ 17 വരെ അധ്യാപകർക്കായി പ്രത്യേക പരിശീലന പരിപാടികളും സംഘടിപ്പിക്കും.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa