*ആര്‍ ശ്രീലേഖ നഗരസഭ കൗണ്‍സിലര്‍ സ്ഥാനം രാജിവെച്ചു; ബിജെപിക്ക് തിരിച്ചടി*
തിരുവനന്തപുരം : ബിജെപി സംസ്ഥാന നേതൃത്വത്തിന് തിരിച്ചടിയായി തിരുവനന്തപുരം നഗരസഭ കൗണ്‍സിലര്‍ സ്ഥാനം രാജിവെച്ച് മുന്‍ ഡിജിപിയും ബിജെപി നേതാവുമായ ആര്‍ ശ്രീലേഖ. ബിജെപി നേതൃത്വവുമായുള്ള അതൃപ്തിയാണ് രാജിക്ക് പിന്നിലെ കാരണമെന്നാണ് സൂചന.
കൗണ്‍സിലര്‍ സ്ഥാനം രാജിവെയ്ക്കുന്നതായി കാണിച്ച്തിരുവനന്തപുരം കോര്‍പ്പറേഷന്‍ മേയര്‍ വി വി രാജേഷിന് ആര്‍ ശ്രീലേഖ കത്ത് നല്‍കിയിട്ടുണ്ട്. ഭരണത്തില്‍ വന്നാല്‍ കോര്‍പ്പറേഷന്‍ മേയര്‍ ആക്കാമെന്ന് വാഗ്ദാനം നല്‍കിയാണ് ആര്‍ ശ്രീലേഖയെ അന്ന് മത്സരിപ്പിച്ചത് എന്ന തരത്തില്‍ വാര്‍ത്തകള്‍ ഉണ്ടായിരുന്നു. എന്നാല്‍ ഭരണം കിട്ടിയപ്പോള്‍ വിവി .രാജേഷിനെയാണ് ബിജെപി നേതൃത്വം മേയര്‍ ആക്കിയത്. ഇതിലുള്ള അതൃപ്തി തുടക്കത്തില്‍ തന്നെ ശ്രീലേഖ പ്രകടിപ്പിച്ചിരുന്നു.
വിവി രാജേഷ് മേയറായി സത്യപ്രതിജ്ഞ ചെയ്ത് അധികാരമേല്‍ക്കുന്ന ചടങ്ങ് പൂര്‍ത്തിയാകുന്നതിന് മുന്‍പ് തന്നെ അവര്‍ കൗണ്‍സില്‍ ഹാളില്‍ നിന്ന് ഇറങ്ങിപ്പോയത് വലിയ വാര്‍ത്തയായിരുന്നു. പല വിഷയങ്ങളിലും ബിജെപി സംസ്ഥാന, ജില്ലാ നേതൃത്വവുമായി ശ്രീലേഖയ്ക്ക് അഭിപ്രായ വ്യത്യാസം ഉണ്ടായിരുന്നു. ഭിന്നതകള്‍ക്കിടയിലും കൗണ്‍സില്‍ യോഗങ്ങളില്‍ ഇവര്‍ പങ്കെടുക്കാറുണ്ടായിരുന്നു. ഇപ്പോള്‍ നേതൃത്വത്തെ ഒന്നടങ്കം ഞെട്ടിച്ച് കൊണ്ടാണ് ശ്രീലേഖയുടെ രാജി .
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments