ബംബ്രാണയില്‍ അനധികൃതമായി മണലൂറ്റുന്ന നിരവധി കടവുകളും തോണികളും പൊലിസ് തകര്‍ത്തു
ബംബ്രാണയില്‍ അനധികൃതമായി പ്രവര്‍ത്തിക്കുന്ന നാല് കടവുകളും രണ്ടു തോണിയുമാണ് കുമ്പള എസ് ഐ വിപിന്റെ നേതൃത്വത്തിലുള്ള പൊലീസ് ജെ.സി.ബി ഉപയോഗിച്ച് തകര്‍ത്തത്. അനധികൃതമായി മണലൂറ്റുന്ന കടവുകള്‍ ഒഴിപ്പിക്കണമെന്ന നാട്ടുകാരുടെ നിരന്തരമായ പരാതികള്‍ക്കെടാടുവിലാണ് പൊലീസ് നടപടി ശക്തമാക്കിയത്.
അനധികൃതമായുള്ള മണല്‍ കടവുകള്‍ അനുവദിക്കില്ലെന്നും വരും ദിവസങ്ങളിലും കൂടുതല്‍ ശക്തമായ നടപടി ഉണ്ടാവുമെന്നും പൊലീസ് പറഞ്ഞു.കഴിഞ്ഞ ദിവസം ഒളയത്ത് നിന്നും ഒരു കടവില്‍ മണല്‍ കൂട്ടിയിട്ടത് പോലിസ് ഇടപെട്ട് പുഴയിലേക്ക് തന്നെ തള്ളുകയും ഇവിടെ നിന്ന് ടിപ്പര്‍ ലോറി കസ്റ്റഡിയില്‍ എടുക്കുകയും ചെയ്തിരുന്നു.
Post Comment
No comments