തദ്ദേശ തിരഞ്ഞെടുപ്പ് 2025 : എസ്.ഡി.പി.ഐ ആദ്യഘട്ട സ്ഥാനാര്‍ത്ഥികളെ പ്രഖ്യാപിച്ചു.

മഞ്ചേശ്വരം : അവകാശങ്ങൾ അർഹരിലേക്ക്, അഴിമതിയില്ലാത്ത വികസനത്തിന്‌ എസ്.ഡി.പി.ഐക്ക് വോട്ട് ചെയ്യുക എന്ന മുദ്രാവാക്യമുയര്‍ത്തി തദ്ദേശ തിരഞ്ഞെടുപ്പില്‍ പാര്‍ട്ടി മത്സരിക്കുകയാണെന്ന് എസ്ഡിപിഐ കാസറഗോഡ് ജില്ലാ കമ്മിറ്റി അംഗവും മഞ്ചേശ്വരം പഞ്ചായത്തിന്റെ ചുമതലയുമുള്ള അഷ്‌റഫ് ബഡാജെ പറഞ്ഞു.

മഞ്ചേശ്വരം ഗ്രാമ പഞ്ചായത്തിൽ മത്സരിക്കുന്ന സ്ഥാനാര്‍ത്ഥികളുടെ ആദ്യഘട്ട പട്ടിക അദ്ദേഹം വാര്‍ത്താസമ്മേളനത്തില്‍ പ്രഖ്യാപിച്ചു. പാർട്ടി മഞ്ചേശ്വരം മണ്ഡലം പ്രസിഡന്റ് ശരീഫ് പാവൂർ മച്ചംപാടി വാർഡിലും മണ്ഡലം ഓർഗനൈസർ യഹ്‌കൂബ് ഹൊസങ്കടി കജയിലും ജനവിധി തേടും. പഞ്ചായത്ത് കമ്മിറ്റീ അംഗം ഹാരിസ് ഉദ്യാവരം കുണ്ടുകൊൾകയിലും എസ്.ഡി.പി.ഐ പിന്തുണയിൽ സ്വതന്ത്ര സ്ഥാനാർത്ഥിയായി അബൂബക്കർ സിദീഖ് എന്ന റൈഷാദ് ഉദ്യാവരം ഗുത്തു വാർഡിൽ നിന്നും ജനവിധി നേടും.

ത്രിതല പഞ്ചായത്ത് തിരഞ്ഞടുപ്പിൽ മഞ്ചേശ്വരം ഗ്രാമ പഞ്ചായത്തിൽ 20 വാർഡുകളിൽ മൽസരിക്കാൻ എസ്.ഡി.പി.ഐ പഞ്ചായത്ത് തിരഞ്ഞെടുപ്പ് കമ്മിറ്റി തീരുമാനിച്ചു. മഞ്ചേശ്വരം ബ്ലോക്ക് ബ്ലോക് പഞ്ചായത്തിലെ കുഞ്ചത്തൂർ, മഞ്ചേശ്വരം , ബഡാജെ ഡിവിഷനിലും, ജില്ലാ പഞ്ചായത്തിലെ വോർക്കാടി, മഞ്ചേശ്വരം ഡിവിഷനുകളിലും സ്ഥാനാർഥിയെ മൽസരിപ്പിക്കും. കൂടുതൽ വാർഡുകളിലും എസ്.ഡി.പി.ഐ സ്ഥാനാർഥികൾക്ക് വിജയിക്കാനും ഭരണ സമിതി രൂപീകരിക്കാനുമുള്ള രാഷ്ട്രീയ സാഹചര്യം പഞ്ചായത്തിലുണ്ട്.

നിലവിലുള്ള എസ്.ഡി.പി.ഐ ജനപ്രതിനിധികളുടെ പ്രവർത്തനം മാതൃകാപരമാണെന്നും ജനങ്ങൾക്കും വാർഡിനും പ്രയോജനകരവുമായിരുന്നുവെന്നും അദ്ദേഹം പറഞ്ഞു.

നിലവിലെ മുസ്ലിം ലീഗ് - കോൺഗ്രസ് -ബി ജെ പി സഖ്യം തുടരുന്ന ദുർഭരണം പഞ്ചായത്തിൻ്റെ വികസന മുന്നേറ്റത്തെ തടയിടുകയാണ് ചെയ്തത്. ഇതിനെതിരെ പൊതുജനത്തിന് കടുത്ത അമർഷവും ഉണ്ട്. ഭരണ ധാർഷ്ട്യത്തിന് അറുതി വരുത്താൻ വരുന്ന തിരഞ്ഞെടുപ്പിൽ വോട്ട് കരുതലോടെ വിനിയോഗിക്കണമെന്നും എസ്.ഡി.പി.ഐ സ്ഥാനാർഥികളുടെ വിജയത്തിന് ആവശ്യമായ സഹകരണവും പിന്തുണയും ഉണ്ടാവണമെന്നും അഭ്യർത്ഥിച്ചു.

വാർത്ത സമ്മേളനത്തിൽ എസ് ഡി പി ഐ ജില്ലാ കമ്മിറ്റി അംഗം അഷ്‌റഫ് ബഡാജെ , മഞ്ചേശ്വരം മണ്ഡലം ആക്ടിങ് പ്രസിഡന്റ് ഇക്‌ബാൽ, സെക്രട്ടറി ഷബീർ, ഷംസുദീൻ മഞ്ചേശ്വരം, ഹാരിസ് സുബൈർ, റിയാസ് കുന്നിൽ എന്നിവർ പങ്കെടുത്തു.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa