വിദ്യാർഥിനിയോട് മോശം പെരുമാറ്റം; അധ്യാപകൻ അറസ്റ്റിൽ.

പാലക്കാട്  :  വിദ്യാർഥിനിയോട് മോശമായി പെരുമാറുകയും അശ്ലീല സന്ദേശം അയയ്ക്കുകയും ചെയ്‌തെന്ന കേസിൽ പട്ടണത്തിലെ ഒരു സ്‌കൂളിലെ അധ്യാപകനെ പോലീസ് അറസ്റ്റുചെയ്തു. നല്ലേപ്പിള്ളി സ്വദേശി കൃഷ്ണകുമാർ(48) ആണ് അറസ്റ്റിലായത്.

ഹൈസ്കൂൾ വിദ്യാർഥിനിയോട് അധ്യാപകൻ മോശമായി പെരുമാറിയ വിവരം കുട്ടിയുടെ അമ്മയാണ് സ്‌കൂൾ കൗൺസലറെ അറിയിക്കുന്നത്. ഇക്കാര്യം ബന്ധപ്പെട്ട അധികൃതർ വിദ്യാഭ്യാസവകുപ്പ് അധികൃതരെ അറിയിച്ചു. തുടർന്നാണ് പോലീസിൽ പരാതി നൽകിയത്. നോർത്ത് പോലീസ് പോക്സോ നിയമപ്രകാരം കേസെടുത്തു. സംഭവം സ്കൂളിൽ അറിയുന്നതിന് മുൻപേ അധ്യാപകൻ അവധിയിലായിരുന്നെന്നാണ് സ്കൂൾ അധികൃതർ പറയുന്നത്. ശനിയാഴ്ച പോലീസ് അധ്യാപകന്റെ അറസ്റ്റ് രേഖപ്പെടുത്തി വൈകീട്ടോടെ അഗളി മുൻസിഫ് മജിസ്ട്രേറ്റ് കോടതിയിൽ ഹാജരാക്കി റിമാൻഡ് ചെയ്തു. വിദ്യാർഥിനിയുടെ സ്വകാര്യത കണക്കിലെടുത്ത് കൂടുതൽ വിവരങ്ങൾ വെളിപ്പെടുത്താനാവില്ലെന്ന് പോലീസ് അറിയിച്ചു. എന്നാൽ പരാതി വ്യാജമാണെന്നും തന്റെ അക്കൗണ്ടുകൾ പരിശോധിക്കാമെന്നും സഹപ്രവർത്തകരിൽ ചിലർ ചേർന്ന് തന്നെ കുടുക്കിയതാണെന്നും അധ്യാപകൻ പറയുന്നു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa