ഈ സർക്കാർ ഒമ്പത് വർഷത്തിനിടെ പിരിച്ചുവിട്ടത് 144 പൊലീസുകാരെ’; കണക്ക് പുറത്തുവിട്ട് സംസ്ഥാന പൊലീസ് മേധാവി റവാഡ ചന്ദ്രശേഖർ.
25.05.2016 മുതല് 18.09.2025 വരെയുള്ള കാലയളവില് ഗുരുതര ക്രിമിനല് കേസുകളില് ഉള്പ്പെട്ട 82 പേരും ഗുരുതര പെരുമാറ്റദൂഷ്യത്തിന് 62 പേരെയും ഉള്പ്പെടെ 144 പോലീസുദ്യോഗസ്ഥരെ സര്വീസില് നിന്ന് പിരിച്ചുവിട്ടിട്ടുണ്ട് എന്നും ഇതുകൂടാതെ സാധാരണ വകുപ്പുതല നടപടിയുടെ ഭാഗമായി അനധികൃതമായി ജോലിയില് നിന്ന് വിട്ടുനിന്നതുള്പ്പെടെയുള്ള കാരണങ്ങള്ക്ക് 241 പോലീസുദ്യോഗസ്ഥരേയും സര്വീസില് നിന്നും നീക്കം ചെയ്തിട്ടുണ്ട് എന്നും കണക്കു സഹിതം സംസ്ഥാന പോലീസ് മേധാവി വ്യക്തമാക്കി. സ്റ്റേറ്റ് പോലീസ് മീഡിയ സെന്റർ ഫേസ്ബുക്ക് പേജിലാണ് കണക്കുകൾ സഹിതം മാതൃഭൂമി വാർത്തയെ പൊളിച്ചടുക്കിയത്.
ഈ സര്ക്കാരിന്റെ കാലയളവില് 20.05.2021 മുതല് 18.09.2025 വരെ ഗുരുതര ക്രിമിനല് കേസുകളില് ഉള്പ്പെട്ടതിന് മാത്രമായി 46 പേരെയും ഗുരുതര സ്വഭാവ ദൂഷ്യത്തിന് 38 പേരെയും ഉള്പ്പെടെ 84 പോലീസുദ്യോഗസ്ഥരെ സര്വീസില് നിന്ന് പിരിച്ചു വിട്ടിട്ടുണ്ട്. ഇതുകൂടാതെ അനധികൃതമായി ജോലിയില് നിന്ന് വിട്ടു നിന്നതിന് 169 പേരെയും ഇക്കാലയളവില് സര്വീസില് നിന്ന് നിന്നും നീക്കം ചെയ്തിട്ടുണ്ട്. യഥാര്ത്ഥവസ്തുത ഇതാണെന്നിരിക്കെ പൊലീസ് ആസ്ഥാനത്ത് നിന്ന് വിവരാവകാശ നിയമപ്രകാരം ലഭിച്ചതെന്ന തരത്തില് മാതൃഭൂമി ദിനപത്രത്തില് പ്രസിദ്ധീകരിച്ച വാര്ത്ത അടിസ്ഥാനരഹിതമാണെന്ന് സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖര് അറിയിച്ചു.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments