*കബളിപ്പിച്ച് കാർ വിറ്റ കേസ്: നിയമപോരാട്ടത്തിൽ മലയാളിക്ക് ദുബൈയിൽ നീതി.*

ദുബൈ : കനത്ത മഴയെ തുടർന്ന് യു.എ.ഇയിൽ ഉണ്ടായ വെള്ളപ്പൊക്കത്തിൽ വെള്ളം കയറി കേടായ വിവരം മറച്ചുവെച്ച് കാർ വിറ്റ കേസിൽ, അൽഐനിലെ യു.എ.ഇ യൂണിവേഴ്സിറ്റി മീഡിയ വിഭാഗം ജീവനക്കാരനും കോട്ടക്കൽ സ്വദേശിയുമായ ജാഫർ ഇബ്രാഹിമിന് അനുകൂലമായി ദുബൈ കോടതി വിധി പ്രസ്താവിച്ചു. കാറിന്റെ മുഴുവൻ വിലയും നഷ്ടപരിഹാരവും ഉൾപ്പെടെ ഏകദേശം മുക്കാൽ ലക്ഷം ദിർഹം നൽകാനാണ് കോടതി ഉത്തരവ്, ഒന്നരവർഷം നീണ്ട നിയമപോരാട്ടത്തിനൊടുവിലാണ് ഈ വിധി വന്നത്.

കഴിഞ്ഞവർഷം മേയിൽ ദുബൈയിലെ ഒരു പാക് സ്വദേശിയിൽ നിന്നാണ് ജാഫർ ഇബ്രാഹിം മേഴ്സിഡസ് ബെൻസ് കാർ വാങ്ങിയത്. വെള്ളം കയറിയിട്ടുണ്ടോ എന്ന് ചോദിച്ചപ്പോൾ ഇല്ലെന്ന് ഉറപ്പുനൽകിയതോടൊപ്പം, ദുബൈ അൽഖൂസിലെ ടെസ്റ്റിങ് സെന്ററിൽ നടത്തിയ ആദ്യ പരിശോധനയിലും വെള്ളപ്പൊക്കം ബാധിച്ചിട്ടില്ലെന്ന റിപ്പോർട്ടാണ് ലഭിച്ചത്.

എന്നാൽ, വാഹനം വാങ്ങി ദുബൈയിൽ നിന്നു താമസസ്ഥലമായ അൽഐനിലേക്കുള്ള ആദ്യ യാത്രയിൽ തന്നെ തകരാറുകൾ കണ്ടതിനെ തുടർന്ന് നടത്തിയ രണ്ടാമത്തെ പരിശോധനയിൽ വാഹനം വെള്ളം കയറിയതാണെന്ന് വ്യക്തമായി. തുടർന്നു നിയമനടപടികൾക്ക് ജാഫർ ശ്രമിച്ചപ്പോൾ പലരും നിരുത്സാഹപ്പെടുത്തിയെങ്കിലും, ദുബൈയിൽ ഉള്ള സഹോദരന്റെ സഹായത്തോടെ കോടതിയെ സമീപിക്കുകയായിരുന്നു. ഇത്തരം തട്ടിപ്പുകൾക്ക് ഇരയാകുന്ന സാധാരണ പ്രവാസികൾക്ക് പ്രതീക്ഷ നൽകുന്നതാണ് ഈ കോടതി വിധിയെന്ന് ജാഫർ ഇബ്രാഹിം പറഞ്ഞു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa