*1037 പുതിയ അക്ഷയ കേന്ദ്രങ്ങൾ വരുന്നു; പ്ലസ് ടു യോഗ്യതയുള്ളവർക്ക് അപേക്ഷിക്കാം*

തിരുവനന്തപുരം : സംസ്ഥാനത്തെ ഔദ്യോഗിക ഓൺലൈൻ സേവനദാതാക്കളായ അക്ഷയ ശൃംഖല വിപുലീകരിക്കുന്നു. വിവിധ ജില്ലകളിലായി പുതുതായി 1037 അക്ഷയ കേന്ദ്രങ്ങൾ കൂടി അനുവദിക്കാൻ സർക്കാർ തീരുമാനിച്ചു.നിലവിൽ സംസ്ഥാനത്ത് 3,000 കേന്ദ്രങ്ങളാണ് പ്രവർത്തിക്കുന്നത്. പുതിയ അക്ഷയ സംരംഭകരെ തിരഞ്ഞെടുക്കുന്നതിനുള്ള അപേക്ഷകൾ ക്ഷണിച്ചു.

ഏറ്റവും കൂടുതൽ പുതിയ കേന്ദ്രങ്ങൾ അനുവദിച്ചിരിക്കുന്നത് കോട്ടയം ജില്ലയിലാണ് (114 എണ്ണം). ഏറ്റവും കുറവ് പാലക്കാട് ജില്ലയിലാണ് (42 എണ്ണം).തിരുവനന്തപുരം കോർപ്പറേഷൻ പരിധിയിൽ മാത്രം 52 പുതിയ കേന്ദ്രങ്ങൾ വരും. അക്ഷയ പദ്ധതിക്ക് തുടക്കം കുറിച്ച മലപ്പുറം ജില്ലയിൽ 77 പുതിയ കേന്ദ്രങ്ങളാണ് അനുവദിച്ചിട്ടുള്ളത്. ഇതിൽ 8 എണ്ണം പട്ടികജാതി വിഭാഗത്തിനും 2 എണ്ണം പട്ടികവർഗ്ഗ വിഭാഗത്തിനുമായി സംവരണം ചെയ്തിട്ടുണ്ട്.

സംരംഭകത്വശേഷിയും സാമൂഹികപ്രതിബദ്ധതയുമുള്ള 2026 ജനുവരി ഒന്നിന് 18 വയസ്സ് തികഞ്ഞവരും 50 വയസ്സ് കവിയാത്തവരുമായവർക്ക് അപേക്ഷിക്കാം. പ്ലസ് ടു അല്ലെങ്കിൽ പ്രീ-ഡിഗ്രിയാണ് അടിസ്ഥാന യോഗ്യത. അപേക്ഷകരുടെ സംരംഭകത്വ ശേഷി പരിശോധിക്കുന്ന പരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും തിരഞ്ഞെടുപ്പ്. താല്പര്യമുള്ളവർക്ക് https://lbsedp.lbscentre.in/akshaya26/ എന്ന ലിങ്ക് വഴി ഓൺലൈനായി അപേക്ഷിക്കാം. മാർച്ച് 7 ആണ് അപേക്ഷ സമർപ്പിക്കേണ്ട അവസാന തീയതി.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa