*യുവജന കമ്മീഷന് യുവപ്രതിഭാ പുരസ്കാരങ്ങള് പ്രഖ്യാപിച്ചു*
ഇരുകൈകളുമില്ലാതെ ജനിച്ചിട്ടും ഇച്ഛാശക്തിയോടെ അതിജീവനത്തിന്റെ പാതയില് വിജയം വരിച്ച ജിലുമോള് മരിയറ്റ് തോമസ് ഇടുക്കി തൊടുപുഴ സ്വദേശിനിയാണ്. കാലുകള് കൊണ്ട് എഴുതി പ്ലസ്ടുവും അനിമേഷന് ബിരുദവും നേടിയ ശേഷം, ആറ് വര്ഷത്തെ നിയമപോരാട്ടത്തിനൊടുവില് കാലുകള് കൊണ്ട് കാര് ഓടിച്ച് ഡ്രൈവിങ് ലൈസന്സ് സ്വന്തമാക്കി ജിലു സമൂഹത്തിന് പ്രചോദനമായി. 2025-ലെ കേരള ശ്രീ പുരസ്കാരം ലഭിച്ച വ്യക്തിയാണ് ജിലുമോള് മരിയറ്റ് തോമസ്.
തിരുവനന്തപുരം സ്വദേശിനിയായ ഡോ. ശാരദാദേവി ഡിസബിലിറ്റി സ്റ്റഡീസ് ഗവേഷകയും വീല്ചെയര് യൂസറും ഭിന്നശേഷി അവകാശ പ്രവര്ത്തകയുമാണ്. ഡിസബിലിറ്റിയുള്ള വ്യക്തികളുടെ അവകാശ സംരക്ഷണ പ്രവര്ത്തനങ്ങള്ക്കും ബോധവല്കരണത്തിനും അക്കാഡമിക് പൊതു സമൂഹ ഇടപെടലുകള് നടത്തുന്ന മാതൃകാ വ്യക്തിത്വമാണ് ഡോ. ശാരദാദേവി. ഡോ. ശാരദയുടെ അതിജീവന വാര്ത്ത എസ്.സി.ഇ.ആര്.ടി ഏഴാം ക്ലാസ് പാഠപുസ്തകത്തില് ഇടം നേടിയിട്ടുണ്ട്.
പഞ്ചഗുസ്തിയില് ദേശീയതലത്തില് വെങ്കലം ഉള്പ്പെടെയുള്ള നേട്ടങ്ങള് കരസ്ഥമാക്കിയ മലപ്പുറം കൊണ്ടോട്ടി സ്വദേശിയായ അമല് ഇക്ബാല് സംസ്ഥാനതല മത്സരത്തില് ഇരട്ട സ്വര്ണം നേടുകയും ചെയ്തു. മസ്ക്കറ്റില് നടന്ന യു.എന് മോഡല് പാര്ലമെന്റില് ലോകത്തിന്റെ വിവിധ ഭാഗങ്ങളില് നിന്നും വന്ന വിദ്യാര്ഥികളോട് മത്സരിച്ച് ഔട്ട് സ്റ്റാന്റിംഗ് ഡിപ്ലൊമസി അവാര്ഡ് കരസ്ഥമാക്കി. ഹിമാചല് പ്രദേശിലെ ബ്യാസ് നദിയും കണ്ണൂരിലെ തേജസ്വിനി പുഴയും റിവര് റാഫ്റ്റിങ്ങ് എന്ന സാഹസിക വിനോദത്തിലൂടെ കീഴടക്കിയ ആദ്യത്തെ സെറിബ്രല് പാള്സി ബാധിതനാണ് അമല്. യുവജന കമ്മീഷന് യുവപ്രതിഭ- യൂത്ത് ഐക്കണ് പുരസ്കാരവിതരണം മാര്ച്ച് നാലിന് തിരുവനന്തപുരത്ത് നടക്കും.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments