*വിദേശത്തു നിന്ന് സ്വര്ണം കൊണ്ടുവരുന്നവര്ക്ക് ആശ്വാസം;**വിലപരിധിയെന്ന കുരുക്ക് ഇനിയില്ല,*
ഷാർജ ഇന്ത്യൻ അസോസിയേഷൻ വൈസ് പ്രസിഡന്റ് പ്രദീപ് നെന്മാറ നാല് മാസം മുൻപ് വിമാനത്താവളത്തില് അപമാനിതനായത് മകള്ക്കായി കൈയില് കരുതിയ മൂന്ന് പവൻ വളയുടെ പേരിലായിരുന്നു. ഒരു ലക്ഷത്തി ഏഴായിരം രൂപ പിഴയടച്ചാണ് പ്രദീപിന് സ്വർണം കൊണ്ടുപോകാനായത്. ഇപ്പോള് തൂക്കത്തിനൊപ്പം വില കൂടി കണക്കാക്കുന്നത് ഒഴിവാക്കിയതായുള്ള ബജറ്റ് റിപ്പോർട്ടുകള് ആശ്വാസം നല്കുന്നത് നിരവധി പേർക്കാണ്. കൊണ്ടുപോകാവുന്ന സ്വർണം അന്നും ഇന്നും സ്ത്രീകള്ക്ക് 40 ഗ്രാം, പുരുഷന്മാർക്ക് 20 ഗ്രാം തന്നെയാണ്. എന്നാല് സ്ത്രീകള്ക്ക് ഒരു ലക്ഷം വരെയും പുരുഷന്മാർക്ക് 50,000 വരെയും എന്ന വിലപരിധി ഉണ്ടായിരുന്നതാണ് കുരുക്ക്. ഇതൊഴിവാക്കുന്നതാണ് ആശ്വാസം.
ഇതോടൊപ്പം അന്താരാഷ്ട്ര യാത്രക്കാരുടെ ആവശ്യം പരിഗണിച്ച് പുതിയ ബാഗേജ് നിയമം തന്നെ അവതരിപ്പിച്ചിട്ടുണ്ട്. വ്യക്തിഗത ആവശ്യങ്ങള്ക്കുള്ള വസ്തുക്കളുടെ കസ്റ്റംസ് ഡ്യൂട്ടി ഉദാരവത്കരിച്ചിട്ടുണ്ട്. ഇത്തരം എല്ലാ വസ്തുക്കള്ക്കും ഡ്യൂട്ടി 20ല് നിന്ന് 10 ആക്കി. ഡ്യൂട്ടി പിന്നീട് അടയ്ക്കാവുന്ന സംവിധാനം പ്രതിമാസമാക്കി. കൂടുതല് ഇറക്കുമതി വിഭാഗങ്ങളെ ഇതിലേക്ക് ചേർത്തു. കൊറിയർ വഴി അയക്കുന്ന സാധനങ്ങള്ക്കുള്ള വില പരിധി ഒഴിവാക്കി.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments