* പെരിന്തൽമണ്ണയിൽ പിറന്നത് കേരളത്തിന്റെ മറ്റൊരു റിയൽ സ്റ്റോറി;**രമേശ് നമ്പ്യാർക്ക് അന്ത്യകർമങ്ങൾ ഹമീദിന്റെ വീട്ടിൽ*
1957ലെ ആദ്യ പൊതു തെരഞ്ഞെടുപ്പിൽ പെരിന്തൽമണ്ണയിൽ വിജയിച്ച അവിഭക്ത കമ്യൂണിസ്റ്റ് പാർടി നേതാവായിരുന്ന പി ഗോവിന്ദൻ നമ്പ്യാരുടെ മകനാണ് രമേശ് നമ്പ്യാർ. പെരിന്തൽമണ്ണ മൗലാന ആശുപത്രിയിലെ ജീവനക്കാരനായിരുന്നു. പെരിന്തൽമണ്ണ ഗവ. ഹൈസ്കൂളിൽ ഒന്പതാംക്ലാസ് വിദ്യാർഥിയായിരിക്കെ അടിയന്തരാവസ്ഥക്കെതിരെ പഠിപ്പുമുടക്കി പ്രകടനം നടത്തിയതിന് ഒരുമാസത്തോളം പെരിന്തൽമണ്ണ സബ് ജയിലിൽ തടവിൽ കിടന്നിട്ടുണ്ട്.
മക്കളില്ലാത്ത ദമ്പതികൾ ഏറെക്കാലമായി ജൂബിലിയിൽ വാടക ക്വാർട്ടേഴ്സിലാണ് താമസം. മൃതദേഹം മെഡിക്കൽ വിദ്യാർഥികൾക്ക് പഠനത്തിന് നൽകണമെന്നായിരുന്നു രമേശ് നമ്പ്യാരുടെ ആഗ്രഹം. എന്നാൽ പോസ്റ്റ്മോർട്ടം നടന്നതിനാൽ പഠനാവശ്യത്തിന് മൃതദേഹം ഏറ്റെടുക്കാനായില്ല. തുടർന്നാണ് വാടക വീട്ടിൽ എത്തിച്ചത്.
കഴിഞ്ഞ ദിവസം ബൈക്കിൽ പോകുമ്പോൾ ഹൃദയാഘാതം വന്നതിൽ ബൈക്ക് മറിഞ്ഞാണ് രമേശ് നമ്പ്യാർ മരിച്ചത്.
മൃതദേഹം എത്തിച്ചപ്പോൾ ഹമീദും മകൻ നിഷാമും വാടക വീട്ടിലെ അസൗകര്യം കണ്ട് സ്വന്തം വീടിനകത്ത് മൃതദേഹം കിടത്താൻ സൗകര്യമൊരുക്കുകയായിരുന്നു. ആചാരപ്രകാരമുള്ള മുഴുവൻ അന്ത്യകർമങ്ങളും ഹമീദിന്റെ വിട്ടിൽ വച്ച് നടത്തിയ ശേഷമാണ് പെരിന്തൽമണ്ണ നഗരസഭയുടെ വൈദ്യുതി ശ്മശാനത്തിലേക്ക് മൃതദേഹം കൊണ്ടുപോയത്.
.പെരിന്തൽമണ്ണയിൽ ഓട്ടോ ഡ്രൈവറാണ് ഹമീദ്. സൗദിയിൽ നിന്ന് അവധിക്കുവന്ന നിഷാമും പിതാവിനൊപ്പം ആദ്യാവസാനം ഒപ്പമുണ്ടായിരുന്നു. രമേശൻ നമ്പ്യാരുടെ ഭാര്യ വിനോദിനി സിപിഐ എം ജൂബിലി റോഡ് വെസ്റ്റ് ബ്രാഞ്ച് സെക്രട്ടറിയാണ്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments