*വോട്ടെണ്ണൽ കേന്ദ്രത്തിന്റെ 100 മീറ്റർ പരിധിയിൽ വാഹന നിയന്ത്രണം; മൊബൈൽ ഫോണുകൾ അനുവദിക്കില്ല*

കോഴിക്കോട് : വോട്ടെണ്ണൽ കേന്ദ്രത്തിന്റെ 100 മീറ്റർ പരിധി പ്രത്യേക സോൺ. ഇവിടേക്കു വാഹനങ്ങൾക്ക് പ്രവേശനം ഉണ്ടാകില്ല. റിട്ടേണിങ് ഓഫിസർമാർ ഒഴികെ ആരുടെയും മൊബൈൽ ഫോണുകൾ വോട്ടെണ്ണൽ മുറിയിൽ അനുവദിക്കില്ല. വോട്ടെണ്ണൽ കേന്ദ്രങ്ങളുടെയും പരിസരങ്ങളിലെയും സുരക്ഷ ഉറപ്പാക്കാൻ ത്രിതല സുരക്ഷാ സംവിധാനം ഒരുക്കി. പ്രവേശന കവാടങ്ങളിൽ കർശന പരിശോധന നടത്താനും കലക്ടറുടെ അധ്യക്ഷതയിൽ ചേർന്ന യോഗം തീരുമാനിച്ചു.

ജില്ലയിലെ വോട്ടെണ്ണൽ കേന്ദ്രങ്ങളായ മടപ്പള്ളി ഗവ.കോളജ്, കൂടത്തായി സെന്റ് മേരീസ് എച്ച്എസ്എസ്, വെള്ളിമാടുകുന്ന് ജെഡിടി ഇസ്‍ലാം എജ്യുക്കേഷനൽ കോംപ്ലക്സ് എന്നിവിടങ്ങളിലെ സിസിടിവി ക്യാമറകൾ, ഇന്റർനെറ്റ് കണക്‌ഷൻ എന്നിവ ഉൾപ്പെടെ പരിശോധിച്ച് ഉറപ്പു വരുത്താൻ കലക്ടർ നിർദേശിച്ചു.

നിയമസഭ തിരഞ്ഞെടുപ്പ് വോട്ടെണ്ണലിന്റെ മുന്നൊരുക്കങ്ങൾ വിലയിരുത്തി. വോട്ടെണ്ണൽ നടപടിക്രമങ്ങൾ, സുരക്ഷാ സംവിധാനങ്ങൾ, ഗതാഗത ക്രമീകരണം, വോട്ടെണ്ണൽ കേന്ദ്രങ്ങളിലെ സൗകര്യങ്ങൾ, മാധ്യമങ്ങൾക്കുള്ള സജ്ജീകരണങ്ങൾ എന്നിവ യോഗത്തിൽ ചർച്ച ചെയ്തു. കലക്ടർ സ്നേഹിൽ കുമാർ സിങ്ങിന്റെ അധ്യക്ഷതയിൽ ചേർന്ന യോഗത്തിൽ സിറ്റി പൊലീസ് കമ്മിഷണർ പദം സിങ്, റൂറൽ ജില്ലാ പൊലീസ് മേധാവി ടി.ഫറാഷ്, ഇലക്‌ഷൻ ഡപ്യൂട്ടി കലക്ടർ വി.സുപിൻ, നോഡൽ ഓഫിസർമാർ, തിരഞ്ഞെടുപ്പ് ഉദ്യോഗസ്ഥർ എന്നിവർ പങ്കെടുത്തു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa