മുസ്ലിം ലീഗ് ചാല 14ാം വാർഡ് കമ്മിറ്റി ഹജ്ജ് യാത്രക്കാർക്ക് സ്നേഹപൂർവ്വമായ യാത്രയപ്പ് നൽകി

ചാല: മുസ്ലിം ലീഗ് ചാല 14ാം വാർഡ് കമ്മിറ്റിയുടെ ആഭിമുഖ്യത്തിൽ ഈ വർഷം വിശുദ്ധ ഹജ്ജ് നിർവഹിക്കാൻ പോകുന്ന പ്രമുഖർക്കായി ഹൃദയസ്പർശിയായ യാത്രയപ്പ് ചടങ്ങ് സംഘടിപ്പിച്ചു. സാമൂഹിക-ധാർമിക രംഗത്തെ പ്രമുഖരുടെ സാന്നിധ്യത്തിൽ നടന്ന പരിപാടി വലിയ ജന പങ്കാളിത്തത്തോടെ ശ്രദ്ധേയമായി.

പ്രവാസി ലീഗ് കാസർകോട് മണ്ഡലം ട്രഷറർ കുഞ്ഞഹമ്മദ് ബെദിര, എസ്കെഎസ്എസ്എഫ് മുൻ സംസ്ഥാന സെക്രട്ടറി ഹാരിസ് ദാരിമി ബെദിര, കെഎംസിസി നേതാവ് ഖാസിo ബി.കെ., മുഹമ്മദ് പടുപ്പിൽ എന്നിവർക്കാണ് ചടങ്ങിൽ സ്നേഹപൂർവ്വം യാത്രയപ്പ് നൽകിയത്. ചാല ദുബായ് പാലസിൽ നടന്ന ചടങ്ങ് ആത്മീയ അന്തരീക്ഷത്തിൽ നടന്നു.

ചാല ബദർ മസ്ജിദ് ഇമാം ഹബീബ് റഹ്മാനി ഫൈസി ഉദ്ഘാടനം ചെയ്തു. കർഷകസംഘം സംസ്ഥാന വൈസ് പ്രസിഡണ്ട് സി. എ. അബ്ദുല്ല കുഞ്ഞി ഹാജി ചാല അധ്യക്ഷത വഹിച്ചു. വാർഡ് പ്രസിഡണ്ട് ബി. എസ്. അബ്ദുല്ല സ്വാഗതം പറഞ്ഞു. മുനിസിപ്പൽ മുസ്ലിം ലീഗ് ജനറൽ സെക്രട്ടറി ഹമീദ് ബെദിര മുഖ്യ പ്രഭാഷണം നടത്തി.

ചടങ്ങിന്റെ ഭാഗമായി ഹജ്ജ് യാത്രക്കാർക്ക് ഹാരാർപണവും അനുമോദനങ്ങളും നൽകി. ഹാരിസ് ദാരിമി ബെദിരയ്ക്ക് സി. എ. അബ്ദുല്ല കുഞ്ഞി ഹാജി ചാല, കുഞ്ഞഹമ്മദ് ബെദിരയ്ക്ക് ബി. എസ്. അബ്ദുല്ല, ഖാസിo ബി. കെ.ക്ക് ഹാരിസ് ദുബായ്, മുഹമ്മദ് പടുപ്പിലിന് സുബൈർ ഗുൽസാർ എന്നിവർ ഹാരാർപണം നടത്തി.

ശാഖാ യൂത്ത് ലീഗ് ജനറൽ സെക്രട്ടറി ഇർഷാദ് ഹുദവി ബെദിര നന്ദി രേഖപ്പെടുത്തി. വാർഡ് കമ്മിറ്റി ഭാരവാഹികളും പ്രവർത്തകരും വലിയ തോതിൽ പങ്കെടുത്ത പരിപാടി ഹജ്ജ് യാത്രയ്ക്ക് പുറപ്പെടുന്നവർക്ക് വേണ്ടി പ്രത്യേക പ്രാർത്ഥനകളും ആശംസകളും നേർന്ന് സമാപിച്ചു

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa