*മലപ്പുറത്തെ ഒരു ഖബർ പരിസരത്ത് എന്നും ഒരു നായ എത്തും, മരണത്തിലും അന്നം നൽകിയ ആമിനുമ്മയെ മറക്കാത്ത അപൂര്വ്വ സ്നേഹം*
പത്തപിരിയം അനകീര്ത്തിയിലെ പരേതനായ വലിയ പീടിയേക്കല് അലവിയുടെ ഭാര്യ മണ്ണില് കടവന് ആമിന (65) കഴിഞ്ഞ ശനിയാഴ്ച്ചയാണ് മരണപ്പെട്ടത്. ആമിനുമ്മ സ്ഥിരമായി ഒരു തെരുവു നായയ്കക്ക് ആഹാരം നല്കുകയും സ്നേഹിക്കുകയും ചെയ്തിരുന്നു. അവര് തമ്മില് നല്ലൊരു സൗഹൃദം തന്നെ നിലനിര്ത്തിയിരുന്നു. ആമിനുമ്മ പോവുന്ന സ്ഥലങ്ങളിലെല്ലാം ഈ നായ പിന്തുടര്ന്ന് എത്തുകയും കാവലാവുകയും ചെയ്തിരുന്നു. മകളുടെ വീട്ടില്നിന്ന് തിരിച്ചു വന്ന ആമിനയെ വീടിന്റെ ഗേറ്റിനു മുന്നില് വാഹനത്തില് നിന്ന് ഇറക്കി മരുമകന് തിരിച്ചുപോയ ഉടനെ വീടിന്റെ മുറ്റത്തു വീണ ഉമ്മയെ വീട്ടുകാര് കണ്ടില്ല.
എന്നാല്, ആമിന സ്നേഹത്തോടെ ഭക്ഷണം നല്കിയിരുന്ന തെരുവുനായ ഇത് കാണുകയും ഉച്ചത്തില് കുരച്ച് വീട്ടുകാരെ അറിയിക്കുകയും ആയിരുന്നു. ആശുപത്രിയില് എത്തും മുമ്പ് ഹൃദയാഘാതത്താല് ആമിന മരിച്ചു. ഖബറടക്കം കഴിഞ്ഞ് നാട്ടുകാരും ബന്ധുക്കളും മടങ്ങിയിട്ടും ആ തെരിവുനായ മാത്രം മടങ്ങിയില്ല ഖബറിനരികില് തന്നെ കിടന്നു. ഉമ്മയുടെ പേരമക്കള് പള്ളിയില് പോകുമ്പോള് നായ പിന്തുടരും, പള്ളിപ്പറമ്പി ല് പ്രാര്ഥിക്കുമ്പോഴും അവിടെ ഉണ്ടാകും
നായയുടെപ്രവൃത്തികള് അയല്ക്കാര്ക്കും ബന്ധുക്കള്ക്കും നൊമ്പരക്കാഴ്ചയായി മാറുകയായിരുന്നു. കഴിഞ്ഞ ശനിയാഴ്ച മരിച്ച ആമിനയുടെ ഖബറിനരികെ വെള്ളിയാഴ്ചയും നായയുടെ സാന്നിധ്യം ഉണ്ടായിരുന്നു.മനുഷ്യനും മൃഗങ്ങളും തമ്മിലുള്ള പരസ്പര സ്നേഹത്തിന്റെ അനിര്വചനീയമായ ഒരു ഉദാഹരണമാണ് ഇവര് തമ്മിലുള്ള ബന്ധമെന്നാണ് നാട്ടുകാര് പറയുന്നത്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments