*പിലാത്തറ കവര്ച്ചാ കേസ്: ബിജെപി പ്രാദേശിക നേതാവ് കാസർഗോഡ് ഉപ്പളയിൽ അറസ്റ്റില്.*
അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു. സംഭവത്തിൽ പങ്കുള്ള മറ്റ് പ്രതികൾക്കായുള്ള അന്വേഷണം ശക്തമാക്കിയതായി പൊലീസ് അറിയിച്ചു.
ഈ മാസം രണ്ടിനായിരുന്നു സിനിമയെ വെല്ലുന്ന രീതിയിൽ കവർച്ച അരങ്ങേറിയത്. മഹാരാഷ്ട്ര സ്വദേശികൾ സഞ്ചരിച്ച കാർ ആക്രമിച്ച്, വാഹനത്തിലെ രഹസ്യ അറയിൽ സൂക്ഷിച്ചിരുന്ന 55 ലക്ഷം രൂപയും സ്വർണവും കവർന്നുവെന്നാണ് കേസ്. മഹാരാഷ്ട്ര സ്വദേശി കുമാർ ജലന്ധർ നിഗം നൽകിയ പരാതിയുടെ അടിസ്ഥാനത്തിലാണ് പൊലീസ് അന്വേഷണം ആരംഭിച്ചത്. ആക്രമണത്തിനിടെ പരാതിക്കാരന്റെ ഭാര്യയുടെ ബാഗിലുണ്ടായിരുന്ന 25 ഗ്രാം സ്വർണവും നഷ്ടമായതായി പരാതിയിൽ പറയുന്നു.
പിലാത്തറ കോ-ഓപ്പറേറ്റീവ് കോളേജിന് സമീപം ഉപേക്ഷിക്കപ്പെട്ട നിലയിലാണ് പിന്നീട് കാർ കണ്ടെത്തിയത്. കാറിനകത്തെ വസ്ത്രങ്ങൾ ചിതറിക്കിടന്ന നിലയിലായിരുന്നുവെന്ന് പൊലീസ് വ്യക്തമാക്കി. കോളേജിലെ സുരക്ഷാ ജീവനക്കാരനാണ് ആദ്യം സംശയാസ്പദ സാഹചര്യത്തിൽ വാഹനം കണ്ടെത്തി പൊലീസിനെ വിവരം അറിയിച്ചത്. സംഭവത്തിൽ കൂടുതൽ പേർ ഉൾപ്പെട്ടിട്ടുണ്ടോയെന്നതടക്കം പൊലീസ് വിശദമായ അന്വേഷണം തുടരുകയാണ്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments