നാട്ടു ദർസ്:*സമസ്ത സെന്റിനെറിയുടെ വിജ്ഞാന ദൗത്യം.*മൊഗ്രാൽ യൂനിറ്റിൽ ഇന്ന് പഠനാരംഭം.

 സമൂഹത്തിന്റെ നവോത്ഥാനം വിജ്ഞാനത്തിലൂടെയാണ്. അറിവിന്റെ വെളിച്ചം മനുഷ്യന്റെ ഹൃദയത്തിൽ തെളിയുമ്പോഴാണ് വിശ്വാസത്തിനും സംസ്കാരത്തിനും ധാർമികതയ്ക്കും കരുത്ത് ലഭിക്കുന്നത്. ഒരു നൂറ്റാണ്ടായി കേരള മുസ്‌ലിം സമൂഹത്തിന് ആ വെളിച്ചം പകർന്നുകൊണ്ടിരിക്കുന്ന സമസ്ത കേരള ജംഇയ്യത്തുൽ ഉലമയുടെ സെന്റിനറി ആഘോഷങ്ങളുടെ ഭാഗമായി ആരംഭിക്കുന്ന "നാട്ടു ദർസ്" പദ്ധതി ഈ വിജ്ഞാന ദൗത്യത്തിന്റെ പുതിയ അധ്യായമാണ്.

കേരളത്തിന്റെ ഗ്രാമീണ ജീവിതത്തിൽ ഒരുകാലത്ത് പള്ളി ദർസുകൾ വിജ്ഞാനത്തിന്റെ സർവകലാശാലകളായിരുന്നു. പള്ളിയുടെ അകത്തളത്തിൽ ഇരുന്ന് പണ്ഡിതരുടെ വാക്കുകൾ കേട്ട് വളർന്ന തലമുറകൾ സമൂഹത്തിന് നേതൃത്വം നൽകി. കാലം മാറിയെങ്കിലും ദീനി വിജ്ഞാനത്തിന്റെ ആവശ്യകത കുറഞ്ഞിട്ടില്ല. മറിച്ച് ആശയക്കുഴപ്പങ്ങളും തെറ്റായ പ്രചാരണങ്ങളും വർധിച്ച ഇന്നത്തെ സാഹചര്യത്തിൽ ശരിയായ അറിവിന്റെ ആവശ്യകത കൂടുതൽ ശക്തമായിരിക്കുന്നു.

ഈ യാഥാർഥ്യം ഉൾക്കൊണ്ടാണ് സമസ്ത സെന്റിനറിയുടെ ഭാഗമായി ഓരോ നാട്ടിലെയും പ്രാസ്ഥാനിക യൂണിറ്റുകളിൽ രജിസ്റ്റർ ചെയ്ത പഠിതാക്കൾക്കായി പ്രത്യേക സിലബസും ക്രമാനുസൃത ക്ലാസുകളും  പരീക്ഷയുമൊക്കെ ആയി 

നാട്ടു ദർസുകൾ ആരംഭിക്കുന്നത്. ഇത് സാധാരണ ക്ലാസുകളല്ല; മറിച്ച് വിശ്വാസവും അറിവും ജീവിതവും പരസ്പരം ബന്ധിപ്പിക്കുന്ന പഠനയാത്രയാണ്.

ഖുർആന്റെയും സുന്നത്തിന്റെയും വെളിച്ചത്തിൽ ഒരു മുസ്‌ലിമിന്റെ ജീവിതത്തെ രൂപപ്പെടുത്തുന്ന വിഷയങ്ങൾ ക്രമബദ്ധമായി പഠിക്കാനുള്ള അവസരമാണ് നാട്ടു ദർസ് നൽകുന്നത്. പഠിതാക്കളുടെ മനസ്സിൽ ദീനിനെക്കുറിച്ചുള്ള അവബോധം വർധിപ്പിക്കാനും ഇബാദത്തുകൾ കൂടുതൽ ബോധപൂർവം നിർവഹിക്കാനും ഈ പഠന സംരംഭം സഹായകമാകും.

കാന്തപുരം ഉസ്താദിൽ നിന്നും പ്രത്യേകം ഇജാസിയത്ത് പ്രകാരം യൂനിറ്റ്, മഹല്ല് തലങ്ങളിൽ ദർസ് പഠനം ആരംഭിച്ചു കഴിഞ്ഞു. 

മൊഗ്രാൽ യൂണിറ്റ് പഠനാരംഭം ഇന്ന് ബുധനാഴ്ച ഇശാ നിസ്കാര ശേഷം നടക്കുകയാണ്.

കട്ടത്തടുക്ക മുഹിമ്മാത്ത് ശരീഅത്ത് കോളേജ് മുദർരിസ് എം ജമാലുദ്ദീൻ സഖാഫി പെർവാഡാണ് ക്ലാസിന് നേതൃത്വം നൽകുന്നത്.

സമസ്തയുടെ നൂറാം വാർഷികം ആഘോഷിക്കുമ്പോൾ ഏറ്റവും വലിയ ആദരവ് അതിന്റെ വിജ്ഞാന പാരമ്പര്യത്തെ കൂടുതൽ ശക്തിപ്പെടുത്തുക എന്നതാണ്. നാട്ടു ദർസ് അതിനുള്ള മനോഹരമായ ഒരു ചുവടുവെപ്പാണ്. ഓരോ യൂണിറ്റും വിജ്ഞാനത്തിന്റെ കേന്ദ്രങ്ങളാകുമ്പോൾ സമൂഹത്തിന്റെ ആത്മീയ കരുത്തും വർധിക്കും.

വിജ്ഞാനം പള്ളികളിൽ നിന്ന് വീടുകളിലേക്കും ഹൃദയങ്ങളിലേക്കും ഒഴുകിയെത്തട്ടെ. നാട്ടു ദർസുകളിലൂടെ സമസ്തയുടെ നൂറ്റാണ്ടിന്റെ സന്ദേശം പുതിയ തലമുറകളുടെ ജീവിതത്തിൽ പ്രകാശം പരത്തട്ടെ.

✍🏻 അബൂബക്കർ മൊഗ്രാൽ___

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa