*സോളാർ വിളക്കുകളുടെ ബാറ്ററി മോഷണം: അസം സ്വദേശികളായ മൂന്നുപേർ അറസ്റ്റിൽ.*

ചെറുവത്തൂർ : വലിയപറമ്പ്ഗ്രാമ പഞ്ചായത്തിലെ വിവിധ ഭാഗങ്ങളിൽ സ്ഥാപിച്ചിരുന്ന സോളാർ തെരുവുവിളക്കുകളുടെ ബാറ്ററികൾ മോഷ്ടിച്ച് ചെറിയ വിലയ്ക്ക് വിറ്റഴിച്ചിരുന്ന സംഘത്തിലെ മൂന്നുപേരെ ചന്തേര പോലീസ് അറസ്റ്റ് ചെയ്തു. അസം സംസ്ഥാനത്തെ ഗോൾപാറ സ്വദേശികളായ നബി പരമണിക്(45),അൽജൗഹീദുൽ ഇസ്ലാം (26), റൗഫി ഗുൽ ഇസ്ലാം (41) എന്നിവരാണ് പിടിയിലായത്. ഇവർ നിലവിൽ പടന്നക്കാട് പ്രദേശത്താണ് താമസിച്ചിരുന്നത്.

വലിയപറമ്പ് പഞ്ചായത്തിലെ വിവിധ സ്ഥലങ്ങളിൽ കഴിഞ്ഞ ഒരു മാസത്തിനിടെ നടന്ന സോളാർ ബാറ്ററി മോഷണ പരമ്പരയുമായി ബന്ധപ്പെട്ടഅന്വേഷണത്തിനൊടുവിലാണ് പ്രതികൾ പോലീസിന്റെ പിടിയിലായത്. വലിയപറമ്പ്ഗ്രാമപഞ്ചായത്ത് സെക്രട്ടറി ജിമ്മി ജോൺ നൽകിയ പരാതിയുടെ അടിസ്ഥാനത്തിൽ ചന്തേര പോലീസ് നടത്തിയ അന്വേഷണമാണ് നിർണായകമായത്.

അറസ്റ്റിലായ പ്രതികളിൽ നിന്ന് മോഷ്ടിച്ച രണ്ട് സോളാർ വിളക്കുകളുടെ ബാറ്ററികൾ പോലീസ് കണ്ടെടുത്തു. മോഷ്ടിച്ച ബാറ്ററികൾ വളരെ കുറഞ്ഞ വിലയ്ക്ക്മറിച്ചുവിൽക്കുന്നതായിരുന്നു സംഘത്തിന്റെ രീതി എന്ന് അന്വേഷണത്തിൽ വ്യക്തമായതായി പോലീസ് അറിയിച്ചു. ഇതുവഴി ലഭിക്കുന്ന പണം വിവിധ ആവശ്യങ്ങൾക്കായി ഉപയോഗിച്ചിരുന്നതായും സൂചനകളുണ്ട്.

സംഘത്തിൽ അറസ്റ്റിലായ മൂന്നുപേരെ കൂടാതെ കൂടുതൽ ആളുകൾ ഉൾപ്പെട്ടിട്ടുണ്ടെന്നാണ് പോലീസിന്റെ നിഗമനം. ഇവരെ കണ്ടെത്തുന്നതിനായി അന്വേഷണംവ്യാപിപ്പിച്ചിരിക്കുകയാണ്. സമീപപ്രദേശങ്ങളിലുണ്ടായ സമാന മോഷണങ്ങളുമായും ഈസംഘത്തിന്ബന്ധമുണ്ടോയെന്ന കാര്യവും പോലീസ് പരിശോധിച്ചുവരികയാണ്.

അറസ്റ്റിലായ പ്രതികളെ ഹോസ്ദുർഗ് ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ ശേഷം റിമാൻഡ് ചെയ്തു.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa