*മലവെള്ളപ്പാച്ചിലില് കാണാതായ യുവതിയുടെ മൃതദേഹം കണ്ടെത്തി;*
പൂക്കോട്ടുംപാടം കോട്ടപ്പുഴയില് മലവെള്ളപ്പാച്ചിലില് കാണാതായ യുവതിയുടെ മൃതദേഹം കണ്ടെത്തി; തിരച്ചില് പൂര്ത്തിയായി
പൂക്കോട്ടുംപാടം കോട്ടപ്പുഴയില് മലവെള്ളപ്പാച്ചിലില് കാണാതായ യുവതിയുടെ മൃതദേഹം കണ്ടെത്തി. ടി.കെ ഉന്നതിയിലെ സജിതയുടെ മൃതദേഹമാണ് അല്പ്പസമയം മുമ്പ് കണ്ടെത്തിയത്.
ഇതോടെ അപകടത്തില് കാണാതായ മുഴുവൻ പേരുടെയും മൃതദേഹങ്ങള് കണ്ടെത്തി.
മലവെള്ളപ്പാച്ചിലില് കാണാതായ അഞ്ച് പേരുടെ മൃതദേഹങ്ങള് നേരത്തെ കണ്ടെത്തിയിരുന്നു. സജിതയുടെ മൃതദേഹം കൂടി കണ്ടെത്തിയതോടെയാണ് തിരച്ചില് പൂർത്തിയായത്. എൻഡിആർഎഫ്, അഗ്നിരക്ഷാസേന, പൊലീസ്, സന്നദ്ധപ്രവർത്തകർ എന്നിവരുടെ നേതൃത്വത്തില് നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്.
കോട്ടക്കല് എടരിക്കോട് സ്വദേശി മങ്ങാടൻ അനസ് യാസീൻ, തിരൂർ സ്വദേശി മുഹമ്മദ് കുട്ടി, വണ്ടൂർ സ്വദേശി കുപ്പനത്ത് സജ്ജാദ്, കരുവാരക്കുണ്ട് സ്വദേശി റഹീം എന്നിവരെയാണ് നേരത്തെ തിരിച്ചറിഞ്ഞത്. ഒഴുക്കില്പ്പെട്ട മൂന്ന് പേരെ രക്ഷപ്പെടുത്തിയിരുന്നു.
അപകടസമയത്ത് പുഴയോരത്ത് മഴയുണ്ടായിരുന്നില്ല. എന്നാല് വനമേഖലയില് ശക്തമായ മഴ പെയ്തതിനെ തുടർന്ന് പുഴയിലെ ജലനിരപ്പും ഒഴുക്കും പെട്ടെന്ന് ഉയർന്നതാണ് മലവെള്ളപ്പാച്ചിലിന് കാരണമായത്.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments