*വയനാട് ലവ് ഷോർ സ്പെഷ്യൽ സ്കൂളിലെ ഭിന്നശേഷിക്കാരായ കുട്ടികൾ കാസർകോട്ടേക്ക്,ഒക്ടോബർ 19-ന് മാസ്കോ ഫാം റിസോർട്ടിൽ സ്നേഹവിരുന്നും കലാസന്ധ്യയും*

കാസർകോട് : വയനാട് കേന്ദ്രമായി പ്രവർത്തിക്കുന്ന ലവ് ഷോർ സ്പെഷ്യൽ സ്കൂളിലെ ഭിന്നശേഷിക്കാരായ കുട്ടികളും മുതിർന്നവരുമുൾപ്പെടെയുള്ള അന്തേവാസികൾ കാസർകോട്ടെത്തുന്നു. വയനാട്, കോഴിക്കോട് ജില്ലകളിലായി പ്രവർത്തിക്കുന്ന ലവ് ഷോർ സ്ഥാപനത്തിന്റെ വിവിധ കേന്ദ്രങ്ങളിലായി 600-ലധികം ഭിന്നശേഷിക്കാരായ കുട്ടികൾക്കും മുതിർന്നവർക്കും പരിചരണവും പിന്തുണയും നൽകിവരുന്നു.

കാസർകോടിന്റെ ഭാഷാ വൈവിധ്യവും സാംസ്കാരിക പൈതൃകവും ബേക്കൽ കോട്ടയുടെ മനോഹാരിതയും നേരിട്ടറിയുന്നതിനായി എത്തുന്ന കുട്ടികൾക്കും സംഘാംഗങ്ങൾക്കുമായി ലയൺസ് ക്ലബ് ഓഫ് ചന്ദ്രഗിരിയുടെ നേതൃത്വത്തിൽ സ്നേഹവിരുന്നും കലാസന്ധ്യയും സംഘടിപ്പിക്കുന്നു. ലവ് ഷോർ സ്ഥാപനത്തിന്റെ സിൽവർ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന സംഗമത്തിൽ കുട്ടികളുടെ വിവിധ കലാപരിപാടികളും അരങ്ങേറും.

2026 ഒക്ടോബർ 19 തിങ്കളാഴ്ച വൈകുന്നേരം 4 മണിക്ക് കാസർകോട് നീർച്ചാലിലുള്ള മാസ്കോ ഫാം റിസോർട്ടിൽ നടക്കുന്ന ചടങ്ങ് പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. കർണാടക ആരോഗ്യവകുപ്പ് മന്ത്രി യു.ടി. ഖാദർ മുഖ്യാതിഥിയായിരിക്കും.

എം.എൽ.എമാരായ കല്ലട്ര മാഹിൻ, എ.കെ.എം. അഷ്റഫ്, മുൻ എം.എൽ.എമാരായ അഡ്വ. സി.എച്ച്. കുഞ്ഞമ്പു, എൻ.എ. നെല്ലിക്കുന്ന്, ബദിയടുക്ക ഗ്രാമപഞ്ചായത്ത് പ്രസിഡന്റ് ഡി. ശങ്കര തുടങ്ങിയവരും സാമൂഹിക, സാംസ്കാരിക, വ്യവസായ മേഖലകളിലെ പ്രമുഖരും ചടങ്ങിൽ സംബന്ധിക്കും.

സ്നേഹവും കരുതലും പങ്കുവെച്ച് ഭിന്നശേഷിക്കാരായ കുട്ടികൾക്ക് സന്തോഷകരമായ അനുഭവങ്ങൾ സമ്മാനിക്കുക എന്ന ലക്ഷ്യത്തോടെയാണ് ഈ സംഗമം സംഘടിപ്പിക്കുന്നത്.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa