കല്‍പ്പറ്റ : സ്‌കൂള്‍ വിനോദയാത്രയ്ക്കിടെ പ്രിന്‍സിപ്പലും പിടിഎ പ്രസിഡന്റും മദ്യപിച്ചെത്തിയതായി ആരോപണം വയനാട് മീനങ്ങാടി ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളാണ് അധികൃതര്‍ക്കെതിരെ ഗുരുതര ആരോപണവുമായി രംഗത്തെത്തിയത് ഹൈദരാബാദിലേക്ക് നടത്തിയ വിനോദയാത്രയ്ക്കിടെ പ്രിന്‍സിപ്പല്‍ ഷിവി കൃഷ്ണനും പിടിഎ പ്രസിഡന്റ് എസ്. ഹാജിസും മദ്യലഹരിയിലായിരുന്നെന്നാണ് വിദ്യാര്‍ഥികള്‍ പറയുന്നത്. സംഭവത്തെ തുടര്‍ന്ന് കടുത്ത പ്രതിഷേധവുമായി രക്ഷിതാക്കളും രംഗത്തെത്തിയിട്ടുണ്ട്.വയനാട്ടില്‍ നിന്ന് വിനോദയാത്ര പോയ സ്‌കൂള്‍ സംഘത്തിലെ പ്രിന്‍സിപ്പലും പിടിഎ പ്രസിഡന്റും മദ്യപിച്ചതായി വിദ്യാര്‍ഥികള്‍ക്ക് സംശയം തോന്നുകയായിരുന്നു. തുടര്‍ന്ന് യാത്രാമധ്യേയും തിരിച്ചെത്തിയ ശേഷവും ഇവര്‍ക്കെതിരെ പ്രതിഷേധം ഉയര്‍ന്നു. കുട്ടികൾ ആരോപണം ഉന്നയിച്ചതിനെ തുടർന്ന്, വാഹനം നിർത്തി പരിശോധന നടത്തിയെന്നും കുട്ടികളുടെ പ്രതിഷേധം കണക്കിലെടുത്ത് പിടിഎ പ്രസിഡന്‍റിനെ യാത്രാസംഘത്തിൽ നിന്ന് ഇറക്കിവിട്ടെന്നും പ്രിൻസിപ്പൽ പ്രതികരിച്ചു. കുട്ടികളുടെ സുരക്ഷ മുൻനിർത്തി സ്‌കൂള്‍ അധികൃതര്‍ തന്നെ ഇത്തരത്തില്‍ ഉത്തരവാദിത്തമില്ലാതെ പെരുമാറിയത് വലിയ പ്രതിഷേധത്തിനാണ് ഇടയാക്കിയത്.സ്‌കൂളിന് മുന്നിലും ടൂറിസ്റ്റ് ബസിന് സമീപവും വലിയ തോതിലുള്ള പ്രതിഷേധവും വാക്കുതര്‍ക്കങ്ങളുമുണ്ടായി. ആരോപണവിധേയരായ പ്രിന്‍സിപ്പലിന്റേയും പിടിഎ പ്രസിഡന്റിന്റേയും മെഡിക്കല്‍ പരിശോധന നടത്താമെന്ന് സമ്മതിച്ചതിനെ തുടര്‍ന്നാണ് പ്രശ്‌നം താല്‍ക്കാലികമായി ശാന്തമായത്
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments