'യോഗ ഫോർ ആൾ ' കാഞ്ഞങ്ങാട് ഏരിയതല ഉദ്ഘാടനം നടന്നു. അജാനൂർ പഞ്ചായത്ത് വൈസ് പ്രസിഡണ്ട് കെ. സബീഷ് ഉദ്ഘാടനം ചെയ്തു

വേലാശ്വരം : സമ്പൂർണ്ണ ആരോഗ്യം യോഗയിലൂടെ എന്ന സന്ദേശമുയർത്തി എല്ലാ ജില്ലയിലും സംസ്ഥാന സർക്കാർ ആരംഭിക്കുന്ന സൗജന്യ യോഗാപരിശീലനമാണ് 'യോഗ ഫോർ ആൾ'ജീവിതശൈലി രോഗങ്ങളെ ചെറുക്കാൻ വളരെ നല്ല മാർഗ്ഗമാണ് യോഗ എന്ന് തെളിയിച്ചുകൊണ്ടിരിക്കുന്ന ഒരു കാലഘട്ടത്തിലാണ് നാം ജീവിക്കുന്നത്.ഇത്തരം കാഴ്ചപ്പാടോടെ കേരള സർക്കാർ സ്പോർട്സ് കൗൺസിലിലൂടെ യോഗ അസോസിയേഷൻ ഓഫ് കേരളയുമായി സഹകരിച്ച് കൊണ്ട് 'യോഗ ഫോർ ഓൾ' എന്ന പരിപാടി സംഘടിപ്പിക്കുന്നത്. ഇതിലൂടെ രാവിലെയും വൈകിട്ടും ഓരോ മണിക്കൂർ യോഗ ക്ലാസുകൾ ഒന്നരമാസ കാലത്തോളം സൗജന്യമായി നൽകാനാണ് ഉദ്ദേശിക്കുന്നത്. കാഞ്ഞങ്ങാട് ഏരിയതല ഉദ്ഘാടനം ഗവ: യു.പി സ്കൂൾ വേലാശ്വരത്ത് വെച്ച് അജാനൂർ പഞ്ചായത്ത് വൈസ് പ്രസിഡണ്ട് കെ.സബീഷ് ഉദ്ഘാടനം ചെയ്തു. 

യോഗ ഏരിയ പ്രസിഡണ്ട് കെ.വി. കേളു അമ്പലത്തറ അദ്ധ്യക്ഷത വഹിച്ചു. യോഗ ടീച്ചേഴ്സ് അസോസിയേഷൻ സംസ്ഥാന കമ്മറ്റി അംഗം കെ.വി. ഗണേഷ് പദ്ധതി വിശദീകരണം നടത്തി. വേലാശ്വരം ഗവ:യു.പി. സ്കൂൾ പ്രധാനദ്ധ്യാപകൻ ടി.വിഷ്ണുനമ്പൂതിരി , യോഗ അസോസിയേഷൻ ജില്ലാ കമ്മറ്റി അംഗം എം.വി നാരായണൻ, വിശ്വഭാരതി ക്ലബ്ബ് സെക്രട്ടറി അജയൻ പി.വി, സഫ്ദർഹാശ്മി ക്ലബ്ബ് സെക്രട്ടറി സജിത്ത്.പി, പി ടി എ പ്രസിഡണ്ട് വിനോദ്.പി, യോഗ ടീച്ചർ മായ മാധവൻ എന്നിവർ ആശംസകളർപ്പിച്ച് സംസാരിച്ചു. യോഗ കാഞ്ഞങ്ങാട് ഏരിയ സെക്രട്ടറി ഉണ്ണി പാലത്തിങ്കാൽ സ്വാഗതം പറഞ്ഞു. യോഗചിത്താരി മേഖല സെക്രട്ടറി പി.ശ്യാമള നന്ദി പറഞ്ഞു.