*ഫീസ് അടച്ചിട്ടും 12.63 ലക്ഷം പേർക്ക് അച്ചടിച്ച ലൈസൻസും ആർ.സി.യും കിട്ടിയില്ല*

മലപ്പുറം : ഫീസ് ഈടാക്കിയിട്ടും അച്ചടിച്ച രജിസ്ട്രേഷൻ സർട്ടിഫിക്കറ്റ്, ഡ്രൈവിങ് ലൈസൻസ് എന്നിവ നൽകാതെ വാഹനവകുപ്പ്. ഇവയ്ക്കായി ഈടാക്കിയത് 30.95 കോടി രൂപയും. 12,63,347 അപേക്ഷകർക്കാണ് രജിസ്ട്രേഷൻ സർട്ടിഫിക്കറ്റ്, ഡ്രൈവിങ് ലൈസൻസ് എന്നിവ അച്ചടിച്ച് നൽകാത്ത ത്. ആർ.സി.ക്കുള്ള അപേക്ഷ 10,81,285, ഡ്രൈവിങ് ലൈസൻസിനുള്ള അപേക്ഷ 1,82,062 എന്നിങ്ങനെയാണിത്.

ഓരോ അപേക്ഷയോടും ഒപ്പം ഫീസിനത്തിൽ ഈടാക്കിയത് 245 രൂപ വീതമാണ്. രേഖകൾ പി.വി.സി. കാർഡ് രൂപത്തിൽ വീട്ടിൽ എത്തിക്കാനുള്ള ചാർജാണിത്. കാർഡിന് 200 രൂപയും തപാൽ ചാർജ് 45 രൂപയും. ആകെ 30,95,20,015 രൂപ വകുപ്പ് ഈടാക്കി.

2025 ഫെബ്രുവരി 28-ന് ട്രാൻസ്പോർട്ട് കമ്മിഷണർ പുറത്തിറക്കിയ ഉത്തരവു പ്രകാരം ആ മാർച്ച് ഒന്നുമുതൽ അച്ചടിച്ച ആർ. സി. ബുക്കിനു പകരം ഡിജിറ്റൽ സർട്ടിഫിക്കറ്റ് നിലവിൽ വന്നു. പരിവാഹൻ പോർട്ടലിൽ നിന്ന് രേഖ ഡൗൺലോഡ് ചെയ്തെടുക്കാം. എന്നാൽ ഈ തീയതിക്ക് മുൻപ്, അച്ചടിച്ച ആർ.സി.ക്കും ഡ്രൈവിങ്ങ് ലൈസൻസിനും പണമടച്ചവർക്ക് ഇവ കിട്ടിയിട്ടില്ല.

മലപ്പുറത്തെ 'ആക്‌ഷൻ' എന്ന സംഘടനയുടെ പ്രസിഡന്റും വിവരാവകാശ പ്രവർത്തകനുമായ ആത്മേശൻ പച്ചാട്ട് വിവരാവകാശനിയമപ്രകാരം അപേക്ഷിച്ചതിനുള്ള മറുപടിയിലാണ് ഈ വിവരങ്ങളുള്ളത്. 

ഇത്തരക്കാരുടെ കാര്യം തീർപ്പാക്കണമെന്ന് സെക്കൻഡ് ഹാൻഡ് വെഹിക്കിൾ ഡീലേഴ്സ് അസോസിയേഷൻ നൽകിയ കേസിൽ ഹൈക്കോടതി വിധിയുണ്ട്. അച്ചടിച്ച രേഖകൾ അനുവദിക്കാത്ത പക്ഷം ഫീസിനത്തിൽ അടച്ച തുക തിരിച്ചു നൽകണമെന്ന് കാണിച്ച് വാഹന വകുപ്പിന് ഒട്ടേറെപ്പേർ പരാതി നൽകിയിരുന്നു.

എന്നാൽ, ഈ തുക തിരിച്ചു കൊടുക്കാൻ സർക്കാർ ഉത്തരവില്ലെന്ന് പറഞ്ഞ് ഉദ്യോഗസ്ഥർ കൈമലർത്തുകയാണ് ചെയ്തതെന്ന് ആക്ഷേപമുണ്ട്.

താൻ ഫീസ് അടച്ചിട്ടും അച്ചടിച്ച ആർ.സി. കിട്ടാത്തതിനെ ത്തുടർന്ന് ആത്മേശൻ പച്ചാട്ട് മലപ്പുറം ഉപഭോക്ത്യ കോടതിയെ സമീപിച്ച് കഴിഞ്ഞ ദിവസം അനുകൂലവിധി സമ്പാദിച്ചിരുന്നു.

ഈടാക്കിയ 245 രൂപയും മാനസിക ബുദ്ധിമുട്ടുകൾക്ക് 10,000 രൂപയും കോടതിച്ചെലവ് 3000 രൂപയും കൂടി 13,245 രൂപ മ ട്ടോർ വാഹനവകുപ്പ് ആത്മേശ ന് നൽകണമെന്നാണ് ഇതിൽ കോടതി ഉത്തരവിട്ടിട്ടുള്ളത്.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa