*മുഹമ്മദ് അജ്മലിനും ട്രീസ ജോളിക്കും അര്ജുന പുരസ്കാരം; ദ്രോണാചാര്യ അവാര്ഡ് 3 പേര്ക്ക്*
ന്യൂഡല്ഹി : 2025 ലെ കായികരംഗത്തെ മികവിനുള്ള അര്ജുന, ദ്രോണാചാര്യ പുരസ്കാരങ്ങള് പ്രഖ്യാപിച്ചു. 17 കായികതാരങ്ങളാണ് അര്ജുന അവാര്ഡിന് അര്ഹരായത്. മലയാളി അത് ലറ്റ് മുഹമ്മദ് അജ്മലിനും ട്രീസ ജോളിക്കും അര്ജുന പുരസ്കാരം. ബാഡ്മിന്റണ് താരമാണ് ട്രീസ. കണ്ണൂര് സ്വദേശിനിയാണ്. പാലക്കാട് ജില്ലയിലെ ചെര്പ്പുളശ്ശേരി സ്വദേശിയായ അജ്മല് ഇന്ത്യയുടെ 4x400 മീറ്റര് റിലേ ടീമിലെ പ്രധാന ഓട്ടക്കാരനാണ്.
അത് ലറ്റുകളായ തേജസ്വിന് ശങ്കര്, പ്രിയങ്ക ഗോസ്വാമി, ബ്ഡാമിന്റണ് താരം പുല്ലേ ഗായത്രി ഗോപിചന്ദ്, ബോക്സിങ് താരം നരേന്ദര്, ചെസ് താരങ്ങളായ വിദിത് സന്തോഷ് ഗുജറാത്തി, ദിവ്യ ജിതേന്ദ്ര ദേശ്മുഖ് എന്നിവര് അര്ജുന പുരസ്കാരം ലഭിച്ചവരില് പെടുന്നു.
ഡഫ് ഷൂട്ടിങ് താരം ധനുഷ് ശ്രീകാന്ത്, ഹോക്കി താരം ലാല്റെംസിയാമി, രാജ് കുമാര് പാല്, കബഡി താരങ്ങളായ സുര്ജിത്, പൂജ, പാരാ-ഷൂട്ടിങ് താരം രുദ്രാഷ് ഖണ്ഡേല്വാല്, പാരാ അത് ലറ്റ് ഏക്താ ഭ്യാന്, റോവിങ് താരം അരവിന്ദ് സിങ്, ഷൂട്ടിങ് താരം അഖില് ഷോറന് എന്നിവര്ക്കാണ് അര്ജുന പുരസ്കാരം ലഭിച്ചത്.
ഫുട്ബോള് താരം അരുമൈനായകം സമഗ്ര സംഭാവനയ്ക്ക് ലൈഫ് ടൈം അര്ജുന പുരസ്കാരത്തിന് അര്ഹനായി. അഞ്ച് പരിശീലകര് ദ്രോണാചാര്യ പുരസ്കാരത്തിനും അര്ഹരായി. അത്ലറ്റിക് പരിശീലകന് പാര്വീര് സിങ്. ബോക്സിങ് കോച്ച് ഛോട്ടെ ലാല് യാദവ്, ഷൂട്ടിങ് കോച്ച് നേഹ നന്ദകുമാര് ചവാന് എന്നിവര്ക്കും, സമഗ്ര സംഭാവന വിഭാഗത്തില് ബോക്സിങ് കോച്ച് ധര്മ്മേന്ദ്ര സിങ് യാദവ്, ഗുസ്തി പരിശീലകന് വീരേന്ദ്രകുമാര് എന്നിവര്ക്കാണ് ദ്രോണാചാര്യ പുരസ്കാരം ലഭിക്കുക.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments