കുമ്പള വാട്ടർ അതോറിറ്റിയുടെ ജലസംഭരണി(ടാങ്ക് ) അപകടാവസ്ഥയിൽ: ഓഫീസ് സ്ഥിതിചെയ്യുന്നത് സുരക്ഷാ ഭീഷണി നേരിടുന്ന സംഭരണിക്ക് താഴെയും.

കുമ്പള : കോൺക്രീറ്റ് പാളികൾ അടർന്നു  വീണും,ഇരുമ്പ് കമ്പികൾ ദ്രവിച്ചും അപകടാവസ്ഥയിലാണ് കുമ്പള ടൗൺ പോലീസ് സ്റ്റേഷന് സമീപത്തെ കേരള വാട്ടർ അതോറിറ്റിയുടെ ജലസംഭരണി. വർഷങ്ങളുടെ പഴക്കമുള്ളതാണ് ഈ ജലസംഭരണി.ഇതിന് താഴെയാണ് വാട്ടർ അതോറിറ്റി അസിസ്റ്റന്റ് എൻജിനീയറുടെ കാര്യാലയം(പി എച്ച് സെന്റർ) പ്രവർത്തിക്കുന്നത്

.ഇത് ജീവനക്കാർക്ക് സുരക്ഷാ വീക്ഷണിയും നേരിടുന്നുണ്ട്. 

 തീരദേശത്തോട് അടുത്തുള്ള സ്ഥല മായതിനാൽ ഉപ്പു കാറ്റും,ഈർപ്പവും തട്ടി കോൺക്രീറ്റിനുള്ളിലെ ഇരുമ്പ് കമ്പികൾ വേഗത്തിൽ തുരുമ്പെടുത്ത് വീർക്കുന്നു.ഇത് കോൺക്രീറ്റ് പാളികൾ അടർന്ന് വീഴുന്നതിനും, ജലസംഭരണിയുടെ സുരക്ഷയ്ക്കും ഭീഷണിയായിട്ടുണ്ട്. പഞ്ചായത്ത് പരിധിയിലെ നൂറുകണക്കിനാളുകൾക്ക് കുടിവെള്ളമെത്തിക്കുന്ന ഈ ടാങ്കിന് സുരക്ഷാ വീക്ഷണി നേരിടുന്ന തിനാൽ ഇപ്പോൾ ഭാരം താങ്ങാനുള്ള ശേഷിയില്ല.

 കുമ്പള വാട്ടർ അതോറിറ്റിയുടെ പഴക്കം ചെന്ന സംവിധാനങ്ങൾ മാറ്റാൻ വർഷങ്ങളായി ഉപഭോക്താക്കൾ ആവശ്യപ്പെട്ടു വരുന്നതുമാണ്. ഇവിടെനിന്ന് വിവിധ പ്രദേശങ്ങളിലേക്ക് കുടിവെള്ളമെത്തിക്കുന്ന പൈപ്പുകൾ  പൊട്ടുന്നതും, ജീർണവസ്ഥയും മൂലം കുടിവെള്ളം തടസ്സപ്പെടുന്നതും നിത്യസംഭവമാണ്.ഇവ പുനസ്ഥാപിക്കാൻ യാതൊരു നടപടിയും അധികൃതരുടെ ഭാഗത്തുനിന്ന് ഉണ്ടാകുന്നുമില്ല. ദേശീയപാത നിർമ്മാണ സമയത്ത് ആഴ്ചയും, മാസങ്ങളോളവുമാണ് ണ് കുടിവെള്ളം മുടങ്ങിയത്.

 അതിനിടെ കുമ്പള ഗ്രാമപഞ്ചായത്തിലെ വിവിധ വാർഡുകളിലേക്ക് ആവശ്യമായ വെള്ളം ശേഖരിച്ച് ശുദ്ധീകരിച്ച് എത്തിക്കുന്നത് ഷിറിയ പുഴയിലെ ജലസ്രോതസ്സുകളും,പമ്പിങ് സ്റ്റേഷനുകളെയും ആശ്രയിച്ചാണ്.ഷിറിയ പുഴയിൽ കോടികൾ മുടക്കി നിർമ്മിക്കുന്ന തടയണ നിർമ്മാണം പൂർണമായാൽ പഞ്ചായത്ത് പരിധിയിലെ കുടിവെള്ള പദ്ധതികൾക്ക് വേഗത ഉണ്ടാകുമെന്നാണ് പഞ്ചായത്ത് അധികൃതർ നൽകുന്ന സൂചന.ഇതിനായി കുമ്പള,മംഗൽപാടി പഞ്ചായത്തുകളുടെ ബ്രഹത്തായ സംയുക്ത കുടിവെള്ള പദ്ധതികളുടെ നിർമ്മാണം നടന്നുവരുന്നതായും പറയുന്നുണ്ട്. കേന്ദ്രസർക്കാറിന്റെ ജൽ ജീവൻ മിഷൻ പദ്ധതി(RWSS) പ്രകാരമാണിത്. ഇതിനായി ഉയർന്ന ശേഷിയുള്ള പുതിയ ജലസംഭരണികൾ സ്ഥാപിക്കും.കുടിവെള്ള പദ്ധതിയുടെ പൈപ്പ് ലൈനുകളുടെ ജോലികൾ നടന്നുവരുന്നുണ്ടെന്നും പറയുന്നു.എപ്പോൾ പൂർത്തിയാകുമെന്ന് പറയാൻ അധികൃതർക്ക് കഴിയുന്നുമില്ല.

 പഞ്ചായത്ത് പരിധിയിലെ പൂക്കട്ട, കിദൂർ,കളത്തൂർ എന്നീ പ്രദേശങ്ങളിൽ ഉയർന്ന ശേഷിയുള്ള പുതിയ ഓവർ ഹെഡ് സംഭരണ ടാങ്കുകൾ(OHSR) സ്ഥാപിക്കാനുള്ള നീക്കമാണ് നടക്കുന്നത്. ഇത് കളത്തൂരിൽ മാത്രം 10 ലക്ഷം ലിറ്റർ ശേഷിയുള്ള ടാങ്കാണ് നിർമ്മിക്കുന്നതെന്നും പറയുന്നുണ്ട്. ഇതിനിടയിലാണ് കുമ്പളയിലെ ജലസംഭരണി വലിയ അപകട ഭീഷണി ഉയർത്തുന്നത്.ഇതിന്റെ സംരക്ഷണത്തിന് പദ്ധതികൾ ഒന്നുമില്ല. നിലവിലെ പുതിയ കുടിവെള്ള പദ്ധതിയിൽ കുമ്പളയെ കൂടി ഉൾപ്പെടുത്തി  വിശാലമായ കുടിവെള്ള പദ്ധതി നടപ്പിലാക്കണമെന്നാണ് നാട്ടുകാർ ആവശ്യപ്പെടുന്നത്.

ഫോട്ടോ:അപകട ഭീഷണി ഉയർത്തുന്ന കുമ്പള ടൗണിലെ കുടിവെള്ള സംഭരണി.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa.