*പൊസോട്ടു മഹല്ല് യൂത്ത് വിങ് ബൃഹദ് രക്തദാന ക്യാമ്പ് സംഘടിപ്പിച്ചു: നിർധനർക്കുള്ള ഫ്ലാറ്റുകൾ ഉടൻ കൈമാറും*

​മഞ്ചേശ്വരം : ജീവകാരുണ്യ-സാമൂഹിക സേവന പ്രവർത്തനങ്ങളിലൂടെ ശ്രദ്ധേയമായ പൊസോട്ടു മഹല്ല് യൂത്ത് വിങ്ങിന്റെ ആഭിമുഖ്യത്തിൽ ഗാന്ധി ജയന്തിയോടനുബന്ധിച്ച് ബൃഹദ് രക്തദാന ക്യാമ്പ് സംഘടിപ്പിച്ചു. മംഗളൂരു യേനെപോയ മെഡിക്കൽ കോളേജുമായി സഹകരിച്ച് യൂത്ത് വിങ് ഓഫീസിൽ വെച്ചാണ് ക്യാമ്പ് നടന്നത്.

​യൂത്ത് വിങ് പ്രസിഡന്റ് അഹമ്മദ് മൻസൂർ ബി. എം. സ്വയം രക്തദാനം നൽകി ക്യാമ്പ് ഉദ്ഘാടനം ചെയ്തു. 2018-ൽ പ്രവർത്തനം ആരംഭിച്ച പൊസോട്ടു മഹല്ല് യൂത്ത് വിങ് കഴിഞ്ഞ എട്ടു വർഷമായി സമൂഹത്തിലെ നിർധനരെ സഹായിക്കുന്നതിൽ മുൻപന്തിയിലുണ്ടെന്ന് അദ്ദേഹം പറഞ്ഞു.

 അംഗങ്ങളുടെ സമർപ്പണ ബോധവും പൊതുജനങ്ങളുടെ സഹകരണവുമാണ് രക്തദാനമുൾപ്പെടെയുള്ള പദ്ധതികളുടെ വിജയത്തിന് പിന്നിലെന്നും ഇത്തരം ജീവകാരുണ്യ പ്രവർത്തനങ്ങൾ തുടരുമെന്നും അദ്ദേഹം കൂട്ടിച്ചേർത്തു.

​പരമ്പരാഗത രീതികൾക്കപ്പുറം സമൂഹത്തിന്റ യഥാർത്ഥ ആവശ്യങ്ങളറിഞ്ഞ് പ്രവർത്തിക്കുന്ന യൂത്ത് വിങ്ങിന്റെ സേവനങ്ങൾ മാതൃകാപരമാണെന്ന് ഉപദേശകൻ കരീം പുണെ അഭിപ്രായപ്പെട്ടു.

 പാവപ്പെട്ടവരുടെ കണ്ണീരൊപ്പാൻ എപ്പോഴും മുന്നിലുണ്ടാകുന്ന സംഘടനയുടെ പ്രവർത്തനങ്ങൾ സമൂഹത്തിൽ വലിയ മാറ്റങ്ങൾ ഉണ്ടാക്കുന്നുണ്ടെന്ന് പ്രാദേശിക സാമൂഹിക പ്രവർത്തകൻ എച്ച്.

എം. മഹ്മൂദ് പറഞ്ഞു.

​സംഘടനയുടെ വലിയൊരു ജീവകാരുണ്യ പദ്ധതിയായ, നിർധന കുടുംബങ്ങൾക്കായി നിർമ്മിക്കുന്ന നാല് ഫ്ലാറ്റുകളിൽ രണ്ടെണ്ണത്തിന്റെ നിർമ്മാണം പൂർത്തിയായി വരികയാണ്. 

വരുന്ന ഡിസംബറിൽ ഇതിന്റെ താക്കോൽ അർഹരായ ഗുണഭോക്താക്കൾക്ക് കൈമാറുമെന്ന് ഭാരവാഹികൾ അറിയിച്ചു.

​ക്യാമ്പിൽ നൂറുകണക്കിന് ആളുകൾ പങ്കെടുത്തു രക്തദാനം നിർവ്വഹിച്ചു.

 ചടങ്ങിൽ യൂത്ത് വിങ് ചെയർമാൻ മന്ദ്രി സിദ്ധീഖ്, സെക്രട്ടറി സിറാജ്, ജാസി മൊയ്തീൻ, ഉപദേശകരായ പി. കെ. മൊയ്തീൻ കുഞ്ഞി, പി. കെ. ഇസ്മായിൽ, ഹനീഫ് പൊസോട്ടു, മഹ്മൂദ് എ. എച്ച്. തുടങ്ങിയ പ്രമുഖരും ഭാരവാഹികളും പങ്കെടുത്തു.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa