Breaking News

*യുവാവിനെ റോഡിൽ മരിച്ചനിലയിൽ കണ്ടെത്തി, വെടിയേറ്റതെന്ന് സംശയം*

കാസർഗോഡ് : യുവാവിനെ വെടിയേറ്റ് മരിച്ചനിലയിൽ കണ്ടെത്തി. കാസർകോട് ബോവിക്കാനം കാട്ടിപ്പള്ളത്ത് ഇന്ന് പുലർച്ചെ 12 മണിയോടെയായിരുന്നു സംഭവം. കാട്ടിപ്പള്ളത്ത് കെ.മൊയ്‌‌തീൻ കുഞ്ഞിയുടെ മകൻ ഹൈദർ അലി (27) ആണ് മരിച്ചത്. വീട്ടിൽ നിന്ന് 100 മീറ്റർ അകലെയായി റോഡിലാണ് ഹൈദറിന്റെ മൃതദേഹം കണ്ടെത്തിയത്.  ബൈക്ക് മറിഞ്ഞുണ്ടായ അപകടമാണ് മരണകാരണമെന്നായിരുന്നു ആദ്യം കരുതിയത്. എന്നാൽ കവിളിൽ വെടിയേറ്റ പാടും സമീപത്തായി തോക്കും കണ്ടെത്തുകയായിരുന്നു. സ്വന്തം തോക്കിൽ നിന്ന് വെടിയേറ്റതെന്നാണ് പൊലീസ് സംശയിക്കുന്നത്. തോക്കുമായി പോകുമ്പോൾ അബദ്ധത്തിൽ വെടിയേറ്റതെന്നാണ് സംശയം.ജില്ലാ പൊലീസ് മേധാവി പി.നിധിൻ രാജ്, ബേക്കൽ ഡിവൈഎസ്‌പി കെ.വിനോദ് കുമാർ എന്നിവർ സ്ഥലത്തെത്തി സ്ഥിതിഗതികൾ വിലയിരുത്തി. കാസർകോട് ഗവ.ജനറൽ ആശുപത്രിയിലുള്ള മൃതദേഹം പോസ്റ്റുമോർട്ടത്തിനുശേഷം ബന്ധുക്കൾക്ക് വിട്ടു നൽകും.


വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa

No comments