* മക്കയിലെ റിയല് എസ്റ്റേറ്റ് മേഖല വിദേശ നിക്ഷേപകര്ക്കായി തുറന്നുകൊടുത്ത് സഊദി; വിദേശികള്ക്കും വിശുദ്ധനഗരിയില് സ്വത്ത് വാങ്ങാം; ഹറമിന് സമീപത്തെ ഭൂമിക്ക് ലോകത്തെ ഏറ്റവും ഉയര്ന്ന വില*
*ഉയർന്ന ഭൂമി വില; 60 ബില്യണ് ഡോളറിന്റെ പദ്ധതികൾ*
മക്കയില് നിലവില് ഏകദേശം 60 ബില്യണ് ഡോളറിന്റെ പദ്ധതികള് നിര്മ്മാണത്തിലിരിക്കുകയോ പ്ലാന് ചെയ്യുകയോ ചെയ്യുന്നുണ്ടെന്നാണ് കണക്ക്. വിശുദ്ധ മസ്ജിദുല് ഹറമിന് സമീപമുള്ള ഭൂമിക്ക് ലോകത്തിലെ തന്നെ ഏറ്റവും ഉയര്ന്ന വിലയാണുള്ളത്. ചിലയിടങ്ങളില് ഒരു ചതുരശ്ര മീറ്ററിന് ഏകദേശം 87,000 ഡോളര് (ഏകദേശം 72 ലക്ഷത്തിലധികം ഇന്ത്യന് രൂപ) വരെ വില ഈടാക്കുന്നതായി ബ്രോക്കര്മാര് സൂചിപ്പിക്കുന്നു.
*വെല്ലുവിളികളും ആശങ്കകളും*
വിശുദ്ധ നഗരിയുടെ ദ്രുതഗതിയിലുള്ള മാറ്റം ചില ആശങ്കകള്ക്കും വഴിമാറുന്നുണ്ട്. താമസം ഉള്പ്പെടെയുള്ള സൗകര്യങ്ങളുടെ വില വര്ദ്ധിക്കുന്നത് സാധാരണക്കാരായ തീര്ത്ഥാടകരെ ബാധിച്ചേക്കാം. വലിയ നിര്മ്മാണ പ്രവര്ത്തനങ്ങള്ക്കിടയില് ചരിത്രപരമായ സ്ഥലങ്ങള് നഷ്ടപ്പെടുമോ എന്ന ആശങ്ക തീര്ത്ഥാടകര് പങ്കുവെക്കുന്നുമുണ്ട്. വര്ദ്ധിച്ചുവരുന്ന ജനത്തിരക്ക് പ്രായമായവര്ക്കും മറ്റും ആരാധനാ കര്മ്മങ്ങള് നിര്വ്വഹിക്കുന്നതും പ്രയാസം സൃഷ്ടിക്കുന്നുണ്ട്. എന്നാല്, വര്ദ്ധിച്ചുവരുന്ന തീര്ത്ഥാടകരുടെ സുരക്ഷ ഉറപ്പാക്കാനും അടിസ്ഥാന സൗകര്യങ്ങള് വികസിപ്പിക്കാനും ഇത്തരം വിപുലീകരണം അത്യാവശ്യമാണെന്നാണ് സൗദി അധികൃതരുടെ നിലപാട്. കുറഞ്ഞ വരുമാനമുള്ള രാജ്യങ്ങളില് നിന്നുള്ള തീര്ത്ഥാടകര്ക്ക് ആവശ്യമായ സഹായ പദ്ധതികള് ശക്തമാക്കുമെന്നും അധികൃതർ വ്യക്തമാക്കി.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments