ആയിരക്കണക്കിന് ആളുകളുടെ സാന്നിധ്യത്തിൽ പീസ് കാർണിവൽ മേഘമേളക്ക് ആവേശോജ്വല സമാപനം

മഞ്ചേശ്വരം : പാഠപുസ്തകങ്ങളുടെ പരിധിക്കപ്പുറം യഥാർത്ഥ ജീവിതാനുഭവങ്ങളിലൂടെ വിദ്യാർത്ഥികളുടെ വിദ്യാഭ്യാസം സമ്പന്നമാക്കുക എന്ന ലക്ഷ്യത്തോടെ കുഞ്ചത്തൂർ പീസ് സ്കൂൾ പരിസരത്ത് സംഘടിപ്പിച്ച “പീസ് കാർണിവൽ” മേഘമേള ആയിരക്കണക്കിന് ആളുകളുടെ പങ്കാളിത്തത്തോടെ അച്ചടക്കത്തോടെയും ആവേശത്തോടെയും വിജയകരമായി സമാപിച്ചു.

വ്യാപാര ഇടപാടുകളുടെ പ്രായോഗിക പരിചയം നൽകുന്നതിനായി വ്യാപാരികളുടെയും സംരംഭകരുടെയും സജീവ പങ്കാളിത്തം മേളയുടെ പ്രത്യേകതയായി. ഭക്ഷണ സ്റ്റാളുകൾ, കളിപ്പാട്ടങ്ങൾ, കരകൗശല-വ്യാവസായിക ഉൽപ്പന്നങ്ങൾ തുടങ്ങിയവ വലിയ ശ്രദ്ധ നേടി. 

സ്റ്റാൾ മാനേജ്മെന്റ്, ഉപഭോക്തൃ സമ്പർക്കം, കണക്കുകൂട്ടൽ, വിൽപ്പന തന്ത്രങ്ങൾ എന്നിവയിൽ വിദ്യാർത്ഥികൾ തങ്ങളുടെ കഴിവുകൾ തെളിയിച്ചു.

സ്കൂൾ പ്രിൻസിപ്പൽ അബ്ദുൾ ഖാദർ അധ്യക്ഷത വഹിച്ച പരിപാടി സ്കൂൾ ചെയർമാൻ ഹാജി അബ്ദുൾ റഹ്മാൻ അരിമൽ ഉദ്ഘാടനം ചെയ്തു.

 ഐക്യത്തിന്റെയും അച്ചടക്കത്തിന്റെയും കഠിനാധ്വാനത്തിന്റെയും ഫലമാണ് മേളയെന്ന് അദ്ദേഹം അഭിപ്രായപ്പെട്ടു. മുഖ്യാതിഥിയായെത്തിയ ബെംഗളൂരു അസിസ്റ്റന്റ് പോലീസ് കമ്മീഷണർ ടി. ബഷീർ അഹമ്മദ് സമാധാനം, സൗഹൃദം, ഐക്യം എന്നീ മൂല്യങ്ങൾ ഉയർത്തിപ്പിടിക്കുന്ന പരിപാടിയെന്ന് പ്രശംസിച്ചു. വിദ്യാർത്ഥികൾ, അധ്യാപകർ, മാതാപിതാക്കൾ എന്നിവരുടെ കൂട്ടായ്മയാണ് വിജയത്തിന് പിന്നിലെ ശക്തിയെന്ന് പ്രിൻസിപ്പൽ വ്യക്തമാക്കി.

ഈ അവസരത്തിൽ മഞ്ചേശ്വരം ഗ്രാമ പഞ്ചായത്ത് അംഗം ഇല്യാസ് തൂമിനാട്, വ്യവസായി അലി കുട്ടി ഹാജി, അഹമ്മദ് മാസ്റ്റർ, ഹനീഫ് ഷാർജ, ഡോ. മുഹമ്മദ് റമീസ്, നൂർ ജഹാൻ സ്വലാഹിയ, മുഹമ്മദ് ഹുസൈൻ, ഇസ്മായിൽ പാണ്ഡ്യാൽ, മുഹമ്മദ് ഹാജി എന്നിവർ ഉൾപ്പെടെ നിരവധി പ്രമുഖർ അതിഥികളായി പങ്കെടുത്തു.

തുടർന്ന് വേദിയിൽ എസ്‌കെജി വിദ്യാർത്ഥികളുടെ ബിരുദദാനച്ചടങ്ങ്, സാംസ്കാരിക പരിപാടികൾ, കരാട്ടെ പ്രദർശനം, ശാസ്ത്ര പ്രോജക്ട് പ്രദർശനം, റേസർ ഷോ, പ്ലേ സോൺ, അറബിക്-ഇസ്ലാമിക് സാംസ്കാരിക അവതരണങ്ങൾ എന്നിവയും മേളയെ ശ്രദ്ധേയമാക്കി. പഞ്ചായത്ത് അംഗങ്ങളും നിരവധി പ്രമുഖരും പങ്കെടുത്തു. വിദ്യാർത്ഥികൾ, മാതാപിതാക്കൾ, നാട്ടുകാർ എന്നിവർ ഉൾപ്പെടെ ആയിരങ്ങൾ പങ്കെടുത്ത മേള വിജയത്തിന് സാക്ഷിയായി

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa