കുമ്പള റെയിൽവേ സ്റ്റേഷൻ പരിസരത്ത് കെഎസ്ആർടിസി ബസുകൾക്ക് സ്റ്റോപ്പ്:താലൂക്ക് വികസന സമിതി എടുത്ത തീരുമാനം പ്രാബല്യത്തിൽ വരുത്താത്തതിൽ മെമ്പർമാർക്ക് പരാതി.
ഈ വിഷയം നേരത്തെ താജുദ്ദീൻ മൊഗ്രാലാണ് താലൂക്ക് വികസന സമിതി യോഗത്തിൽ ആവശ്യപ്പെട്ടിരുന്നത്. പരിശോധിച്ച് ഉചിതമായ തീരുമാനമെടുക്കാൻ അന്ന്(ഫയൽ:2024/10/05) തീരുമാനിക്കുകയും ചെയ്തിരുന്നു.എന്നാൽ നാളിതുവരെയായി തീരുമാനം പ്രാബല്യത്തിൽ കൊണ്ടുവരാൻ കഴിയാത്തതിൽ യാത്രക്കാർക്കുണ്ടാകുന്ന പ്രയാസം ചൂണ്ടിക്കാട്ടിയാണ് വീണ്ടും താജുദ്ദീൻ മൊഗ്രാൽ തഹസിൽദാർക്ക് പരാതി നൽകിയത്.
നിലവിൽ കുമ്പള ഗ്രാമപഞ്ചായത്ത് ടൗണിൽ ട്രാഫിക് പരിഷ്കരണം നടപ്പിലാക്കിയതിന് ശേഷം കുമ്പള ബസ് കാത്തിരിപ്പ് കേന്ദ്രവും, റെയിൽവേ സ്റ്റേഷനും തമ്മിൽ 1.3 കിലോമീറ്റർ കൂടുതൽ ദൂരപരിധിയുണ്ട്.ഇത് കെഎസ്ആർടിസി ബസ്സിൽ കുമ്പളയിൽ ട്രെയിൻ കയറാൻ വരുന്ന യാത്രക്കാർക്ക് സ്റ്റേഷൻ പരിസരത്ത് സ്റ്റോപ്പ് ഇല്ലാത്തതിനാൽ ഏറെ പ്രയാസം ഉണ്ടാക്കുന്നു. ഓട്ടോറിക്ഷ പിടിച്ച് റെയിൽവേ സ്റ്റേഷനിൽ എത്തേണ്ട അവസ്ഥയാണ് ഇപ്പോൾ യാത്രക്കാർക്കുള്ളത്. അതുകൊണ്ടുതന്നെ താലൂക്ക് വികസന സമിതി നേരത്തെ എടുത്ത തീരുമാനം എത്രയും പെട്ടെന്ന് പ്രാബല്യത്തിൽ വരുത്താൻ നടപടി സ്വീകരിക്കണമെന്നാണ് താജുദ്ദീൻ മൊഗ്രാൽ തഹസിൽദാർക്ക് നൽകിയ പരാതിയിൽ ആവശ്യപ്പെട്ടിട്ടുള്ളത്.
അതിനിടെ മഞ്ചേശ്വരം, കാസർഗോഡ് താലൂക്ക് വികസന സമിതിയിൽ എടുക്കുന്ന തീരുമാനങ്ങൾ നടപ്പിലാകുന്നില്ലെന്നും,കാലതാമസം എടുക്കുന്നുവെന്നുള്ള ആക്ഷേപം നേരത്തെ തന്നെ വികസന സമിതി അംഗങ്ങൾക്കുണ്ട്.ഇത് പലപ്പോഴും യോഗങ്ങളിൽ അംഗങ്ങൾ ചൂണ്ടിക്കാട്ടിയതുമാണ്.എടുക്കുന്ന നടപടികൾക്ക് വേഗത ഉണ്ടാകണമെന്നാണ് ആവശ്യം.
ഫോട്ടോ: കെഎസ്ആർടിസി ബസുകൾക്ക് സ്റ്റോപ്പ് അനുവദിക്കണമെന്ന് ആവശ്യപ്പെടുന്ന കുമ്പള റെയിൽവേ സ്റ്റേഷൻ സർവ്വീസ് റോഡ്.
ഫോട്ടോ:മഞ്ചേശ്വരം താലൂക്ക് വികസന സമിതി അംഗം താജുദ്ദീൻ മൊഗ്രാൽ.
വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments