*4 ഗ്രാം എംഡിഎംഎ കൈവശം വെച്ച കേസ്: പ്രതിക്ക് 3 വർഷം കഠിന തടവും പിഴയും ശിക്ഷ വിധിച്ച് കോടതി.*

കാസറഗോഡ് : ലഹരിമരുന്ന് കൈവശം വെച്ച കേസിൽ പ്രതിക്ക് തടവുശിക്ഷയും പിഴയും വിധിച്ച് കാസറഗോഡ് ജില്ലാ പ്രിൻസിപ്പൽ സെഷൻസ് കോടതി. ചെർക്കള മുട്ടത്തോടി ഗ്രാമത്തിലെ പി.എ. അപ്പാർട്ട്മെന്റിൽ താമസിക്കുന്ന അബ്ദുള്ള സി. (41) എന്നയാളെയാണ് കോടതി ശിക്ഷിച്ചത്. മൂന്ന് വർഷം കഠിന തടവിനും 25,000 രൂപ പിഴ ഒടുക്കുന്നതിനുമാണ് വിധി. പിഴ അടയ്ക്കുന്നതിൽ വീഴ്ച വരുത്തിയാൽ മൂന്ന് മാസം കൂടി കഠിന തടവ് അനുഭവിക്കേണ്ടി വരും. ജില്ലാ പ്രിൻസിപ്പൽ സെഷൻസ് ജഡ്ജ് വിനായക റാവു ആർ. ആണ് വിധി പ്രസ്താവിച്ചത്.

2020 സെപ്റ്റംബർ 26-ന് രാത്രി 11.03-ഓടെ ചെർക്കള ഗ്രാമത്തിലെ ചെർക്കള എന്ന സ്ഥലത്ത് വെച്ചാണ് കേസിന് ആസ്പദമായ സംഭവം നടന്നത്. വിദ്യാനഗർ പോലീസ് സ്റ്റേഷൻ പരിധിയിൽ അബ്ദുള്ളയെ സംശയകരമായ സാഹചര്യത്തിൽ കണ്ടെത്തിയതിനെത്തുടർന്ന് നടത്തിയ പരിശോധനയിൽ ഇയാളിൽ നിന്ന് 4 ഗ്രാം എംഡിഎംഎ (MDMA) പിടിച്ചെടുക്കുകയായിരുന്നു.

വിദ്യാനഗർ പോലീസ് സ്റ്റേഷൻ സബ് ഇൻസ്‌പെക്ടറായിരുന്ന വിഷ്ണു പ്രസാദ് ആണ് സംഭവസ്ഥലത്ത് വെച്ച് പ്രതിയെ പിടികൂടി കേസ് രജിസ്റ്റർ ചെയ്തത്. വിദ്യാനഗർ പി.എസ്. ക്രൈം നമ്പർ 674/2020, എൻ.ഡി.പി.എസ്. ആക്ട് സെക്ഷൻ 22(ബി) പ്രകാരമാണ് കേസ് ചാർജ് ചെയ്തത് (എസ്.സി. 507/20). അന്നത്തെ വിദ്യാനഗർ സബ് ഇൻസ്‌പെക്ടർ വിജയൻ വി.കെ. ആണ് അന്വേഷണം പൂർത്തിയാക്കി കോടതിയിൽ കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി ജില്ലാ പബ്ലിക് പ്രോസീക്യൂട്ടർ വേണുഗോപാലൻ പി. ഹാജരായി.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa