*മഞ്ചേശ്വരം സർവ്വീസ് സഹകരണ ബാങ്ക് വാർഷിക പൊതുയോഗവും പ്രതിഭാ പുരസ്കാര വിതരണവും നടന്നു*

മഞ്ചേശ്വരം : പ്രദേശത്തെ പ്രമുഖ സഹകരണ പ്രസ്ഥാനമായ 'മഞ്ചേശ്വരം സർവ്വീസ് കോ-ഓപ്പറേറ്റീവ് ബാങ്ക് ലിമിറ്റഡിന്റെ' 2025-26 സാമ്പത്തിക വർഷത്തെ വാർഷിക പൊതുയോഗവും വിദ്യാഭ്യാസ പുരസ്കാര വിതരണ ചടങ്ങും മഞ്ചേശ്വരം എസ്. എ. ടി. സ്കൂൾ ഓഡിറ്റോറിയത്തിൽ വെച്ച് ഭംഗിയായി നടന്നു.

ചടങ്ങിൽ 2025-26 അധ്യയന വർഷത്തിലെ എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം കൈവരിച്ച പ്രകൽഭരായ വിദ്യാർത്ഥികൾക്ക് ഉപഹാരവും മെമന്റോയും നൽകി ആദരിച്ചു.

ബാങ്ക് പ്രസിഡന്റ് ശ്രീ വി. എസ്. രാമചന്ദ്ര ചടങ്ങിൽ അധ്യക്ഷത വഹിച്ചു. ബാങ്കിന്റെ വളർച്ചയ്ക്കും പുരോഗതിക്കും പിന്നിൽ അംഗങ്ങളും ഉപഭോക്താക്കളും അർപ്പിച്ച അഗാധമായ വിശ്വാസവും നിരന്തരമായ സഹകരണവുമാണെന്ന് അദ്ദേഹം അധ്യക്ഷ പ്രസംഗത്തിൽ പറഞ്ഞു.

യോഗത്തിലേക്ക് എത്തിയ എല്ലാവരെയും അദ്ദേഹം സ്വാഗതം ചെയ്തു.

ബാങ്ക് ചീഫ് സെക്രട്ടറി പി. രാജൻ നായർ 2025-26 വർഷത്തെ വരവ്-ചെലവ് കണക്കുകളും, ഡ്രാഫ്റ്റ് ബജറ്റും, വാർഷിക റിപ്പോർട്ടും യോഗത്തിൽ അവതരിപ്പിച്ചു.

കഴിഞ്ഞ ഏതാനും പതിറ്റാണ്ടുകളായി ബാങ്ക് തുടർച്ചയായി ലാഭത്തിലാണെന്നും ഓഡിറ്റ് ക്ലാസിഫിക്കേഷനിൽ 'എ' ഗ്രേഡ് നിലനിർത്താൻ കഴിഞ്ഞിട്ടുണ്ടെന്നും അദ്ദേഹം റിപ്പോർട്ടിൽ വ്യക്തമാക്കി.

1940-ൽ പ്രവർത്തനം ആരംഭിച്ച ഈ സ്ഥാപനം 1996-ൽ 'ക്ലാസ്-1 സ്പെഷ്യൽ ഗ്രേഡ്' പദവിയും 2014 മുതൽ 'ക്ലാസ്-1 സൂപ്പർ ഗ്രേഡ്' പദവിയും കൈവരിച്ച് ശക്തമായ അടിത്തറയോടെ മുന്നേറുകയാണ്.

നിലവിലുള്ള ബാങ്കിംഗ് സേവനങ്ങൾക്കൊപ്പം ഉപഭോക്താക്കളുടെ ദൈനംദിന ആവശ്യങ്ങൾ നിറവേറ്റുന്നതിനായി വിവിധ സഹകരണ പ്രവർത്തനങ്ങളും ബാങ്ക് വിജയകരമായി നടത്തിവരുന്നു.

ഉപഭോക്തൃ സംതൃപ്തിയാണ് ബാങ്കിന്റെ പരമമായ ലക്ഷ്യം.

ഓഡിറ്റ് അസിസ്റ്റന്റ് ഡയറക്ടർ എ. ജയചന്ദ്രൻ, ജോയിന്റ് ഡയറക്ടർ ടി. എം. മാത്യു എന്നിവരുടെ ഓഡിറ്റ് സർട്ടിഫിക്കറ്റ് പ്രകാരം ഈ വർഷം ബാങ്ക് 90.88 ലക്ഷം രൂപ അന്തിമ അറ്റാദായം നേടി. ഈ മികച്ച നേട്ടത്തിന് സഹകരിച്ച ഭരണസമിതിക്കും ജീവനക്കാർക്കും സഹകരണ വകുപ്പ് ഉദ്യോഗസ്ഥർക്കും ബാങ്ക് ഉപഭോക്താക്കൾക്കും ഭരണസമിതി നന്ദി അറിയിച്ചു.

ചടങ്ങിൽ ബാങ്ക് ഡയറക്ടർമാരായ ഡോ. കെ. എ. ഖാദർ, ഗണേഷ് സി. എച്ച്, വാതീഷ് കെ., രാമചന്ദ്ര കെ., ഗംഗാധര, ഗംഗാധര കെ. എച്ച്, രേഖ, നാരായണി കെ., ശേഷമ്മ തുടങ്ങിയ പ്രമുഖർ വേദിയിൽ സാന്നിധ്യമറിയിക്കുകയും ആശംസകൾ നേരുകയും ചെയ്തു.

ബാങ്കിന്റെ പ്രധാന ശാഖയ്ക്ക് പുറമെ ഹൊസങ്കടി, കുഞ്ചത്തൂർ, പ്രഭാത് (ഈവനിംഗ്), ഉദ്യാവര, ബഡാജെ, തലപ്പാടി എന്നീ ശാഖകളിലെ ജീവനക്കാരും ഉപഭോക്താക്കളും നൂറുകണക്കിന് സഹകാരികളും പൊതുയോഗത്തിൽ പങ്കെടുത്തു.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa