* കാസറഗോഡ് ജില്ലയിൽ രണ്ടിടങ്ങളിലായി എം.ഡി.എം.എ വേട്ട: മൂന്ന് യുവാക്കൾ അറസ്റ്റിൽ *

കാസറഗോഡ് : ജില്ലയിലെ വിവിധ യിടങ്ങളിൽ നടത്തിയ മിന്നൽ പരിശോധനയിൽ മാരക ലഹരിമരുന്നായ എം.ഡി.എം.എയുമായി മൂന്ന് യുവാക്കളെ പോലീസ് അറസ്റ്റ് ചെയ്തു. കാസറഗോഡ്, നീലേശ്വരം പോലീസ് സ്റ്റേഷൻ പരിധികളിൽ നിന്നാണ് ലഹരിമരുന്നും കടത്താൻ ഉപയോഗിച്ച വാഹനവും പിടികൂടിയത്.1) കസബ കറന്തക്കാട് 1.51 ഗ്രാം എം.ഡി.എം.എയുമായി പള്ളിക്കര സ്വദേശി അറസ്റ്റിൽകാസറഗോഡ് കസബ വില്ലേജിലെ കറന്തക്കാട് വെച്ച് ബാഗിൽ സൂക്ഷിച്ച 1.510 ഗ്രാം എം.ഡി.എം.എയുമായി പള്ളിക്കര പള്ളിപ്പുഴ സ്വദേശി ഗോകുൽ രാജീവ് (25) പിടിയിലായി. നവംബർ 7ന് ഉച്ചകഴിഞ്ഞ് 3:45-ഓടെയാണ് സംഭവം.ജില്ലാ ഡാൻസാഫ് (DANSAF) സ്ക്വാഡ് അംഗവും വിദ്യാനഗർ സബ് ഇൻസ്പെക്ടറുമായ വിജയൻ മേലത്തും സംഘവും ചേർന്ന് മറ്റൊരു കേസിന്റെ അന്വേഷണവുമായി ബന്ധപ്പെട്ട് മടങ്ങുന്നതിനിടെയാണ് സംശയാസ്പദമായ സാഹചര്യത്തിൽ യുവാവിനെ കണ്ടത്. തുടർന്ന് നടത്തിയ പരിശോധനയിൽ ബാഗിൽ വിൽപ്പനയ്ക്കും ഉപയോഗത്തിനുമായി സൂക്ഷിച്ച നിലയിൽ നിരോധിത ലഹരിമരുന്ന് കണ്ടെത്തുകയായിരുന്നു. കാസറഗോഡ് പോലീസ് സ്റ്റേഷനിൽ ക്രൈം നമ്പർ 679/2026 ആയി എൻ.ഡി.പി.എസ് ആക്ട് 22(b) വകുപ്പ് പ്രകാരമാണ് കേസ് രജിസ്റ്റർ ചെയ്തത്.2) നീലേശ്വരത്ത് സ്കൂട്ടറിൽ കടത്തുകയായിരുന്ന ലഹരിമരുന്നുമായി രണ്ടുപേർ പിടിയിൽനീലേശ്വരം കോട്ടപ്പുറം പാലത്തിന് സമീപം പോലീസ് നടത്തിയ രാത്രികാല വാഹനപരിശോധനയിലാണ് 1.5 ഗ്രാം എം.ഡി.എം.എയുമായി രണ്ടു യുവാക്കൾ പിടിയിലായത്. ഒഴിഞ്ഞവളപ്പ് പുഞ്ചാവി സ്വദേശി സലാം ഖലീൽ (41), ഹോസ്ദുർഗ് സദ്ദാംമുക്ക് സ്വദേശി ആഷിഖ്. കെ (33) എന്നിവരെയാണ് നീലേശ്വരം സബ് ഇൻസ്പെക്ടർ സുമേഷ് ബാബു സി.യും സംഘവും അറസ്റ്റ് ചെയ്തത്.നവംബർ 6ന് രാത്രി അതിവേഗത്തിൽ വന്ന സ്കൂട്ടർ പോലീസ് കൈകാണിച്ചിട്ടും തിരിച്ചുപോവാൻ ശ്രമിക്കുകയായിരുന്നു. തുടർന്ന് നടത്തിയ പരിശോധനയിൽ സലാമിന്റെ പാന്റിന്റെ പോക്കറ്റിൽ നിന്നാണ് എം.ഡി.എം.എ കണ്ടെത്തിയത്. ലഹരിമരുന്ന് കടത്താൻ ഉപയോഗിച്ച സ്കൂട്ടറും പോലീസ് കസ്റ്റഡിയിലെടുത്തു. പ്രതികൾക്കെതിരെ എൻ.ഡി.പി.എസ്  പ്രകാരം കേസ് രജിസ്റ്റർ ചെയ്തു.ജില്ലയിൽ ലഹരിമരുന്ന് മാഫിയകൾക്കെതിരെ ശക്തമായ നിരീക്ഷണവും പരിശോധനകളും തുടരും.

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa