*പിണറായി സർക്കാർ എഴുതി തള്ളിയത് 27,653 കേസുകൾ; ബഹുഭൂരിപക്ഷവും സിപിഎം നേതാക്കൾ പ്രതികളായ കേസുകൾ; സിപിഐയെക്കാൾ ഗുണം ലഭിച്ചത് ബിജെപിക്ക്*
പിണറായി വിജയൻ സർക്കാരിന്റെ പത്ത് വർഷത്തെ ഭരണകാലത്ത് പിൻവലിച്ച കേസുകളുടെ കണക്ക് പുറത്തുവരുമ്പോൾ രാഷ്ട്രീയ വിവാദത്തിനും വഴിയൊരുങ്ങുന്നു. ഒന്നും രണ്ടും പിണറായി സർക്കാരുകളുടെ കാലയളവിൽ ആകെ 27,653 കേസുകളാണ്എഴുതിത്തള്ളിയത്. ഇതിൽ രാഷ്ട്രീയ പാർട്ടികളും അവയുടെ പോഷക സംഘടനകളും പ്രതികളായ 1,131 കേസുകളുണ്ട്. കണക്കുകൾ പരിശോധിക്കുമ്പോൾ ഏറ്റവും കൂടുതൽ ആനുകൂല്യം ലഭിച്ചത് സി.പി.എമ്മിനും അനുബന്ധ സംഘടനകൾക്കുമാണെന്ന് വ്യക്തമാകുന്നു.സി.പി.എം പ്രവർത്തകർ പ്രതികളായ 660 കേസുകളാണ് പത്ത് വർഷത്തിനിടെ പിൻവലിച്ചത്. ഡി.വൈ.എഫ്.ഐക്കെതിരായ 64 കേസുകളും എസ്.എഫ്.ഐ പ്രവർത്തകർ പ്രതികളായ 46 കേസുകളും ഇതോടൊപ്പം ഒഴിവാക്കി. മുന്നണിയിലെ ഘടകകക്ഷിയായ സി.പി.ഐക്കും സമാനമായ ഇളവുകൾ ലഭിച്ചു. സി.പി.ഐ നേതാക്കൾക്കെതിരായ 54 കേസുകളും എ.ഐ.വൈ.എഫ് പ്രവർത്തകർക്കെതിരായ അഞ്ച് കേസുകളുമാണ് പിൻവലിച്ചത്.ഇടതുപക്ഷ പാർട്ടികളുമായി ബന്ധപ്പെട്ട് എണ്ണൂറിലേറെ കേസുകൾ ഒഴിവാക്കിയപ്പോൾ യു.ഡി.എഫ് സംഘടനകളുടെ കാര്യത്തിൽ കണക്ക് വളരെ കുറവാണ്. കോൺഗ്രസ് പ്രവർത്തകർ പ്രതികളായ 51 കേസുകളാണ് പിൻവലിച്ചത്. മുസ്ലിം ലീഗിനെതിരായ 17 കേസുകളും യൂത്ത് കോൺഗ്രസിനെതിരായ എട്ട് കേസുകളും എം.എസ്.എഫിനെതിരായ ഏഴ് കേസുകളും മാത്രമാണ് ഒഴിവാക്കിയത്.പ്രതിപക്ഷ പാർട്ടികളുമായി ബന്ധപ്പെട്ട കേസുകൾ പിൻവലിച്ചതിന്റെ കണക്ക് ഇടതുപക്ഷ സംഘടനകളെ അപേക്ഷിച്ച് വളരെ കുറവാണെന്നതാണ് ശ്രദ്ധേയം. രാഷ്ട്രീയ പാർട്ടികളോടുള്ള സമീപനത്തിൽ സർക്കാർ വിവേചനം കാട്ടിയെന്ന വിമർശനങ്ങൾക്ക് ഈ കണക്കുകൾ കൂടുതൽ ചർച്ചകൾക്ക് വഴിയൊരുക്കിയേക്കും.അതേസമയം, കോൺഗ്രസിനെ അപേക്ഷിച്ച് ബി.ജെ.പിക്ക് കൂടുതൽ കേസുകളിൽ ഇളവ് ലഭിച്ചതായും കണക്കുകൾ വ്യക്തമാക്കുന്നു. ബി.ജെ.പി നേതാക്കൾ പ്രതികളായ 78 കേസുകളാണ് പിൻവലിച്ചത്. ആർ.എസ്.എസ് നേതാക്കൾക്കെതിരായ മൂന്ന് കേസുകളും യുവമോർച്ച, എ.ബി.വി.പി സംഘടനകൾക്കെതിരായ ഓരോ കേസുകളും ഒഴിവാക്കി.പിൻവാതിൽ നിയമനങ്ങളും പാർട്ടി അനുഭാവികൾക്ക് വഴിവിട്ട സഹായം നൽകിയെന്ന ആരോപണങ്ങളും പിണറായി സർക്കാരിന്റെ ഭരണകാലത്ത് പലതവണ ഉയർന്നിരുന്നു. ഇപ്പോൾ കേസുകൾ പിൻവലിച്ചതുമായി ബന്ധപ്പെട്ട കണക്കുകൾ കൂടി പുറത്തുവന്നതോടെ രാഷ്ട്രീയ നേട്ടങ്ങൾക്കായി നിയമസംവിധാനത്തെ ഉപയോഗിച്ചെന്ന ആരോപണങ്ങൾ വീണ്ടും സജീവമാകുകയാണ്

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ് ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇
https://chat.whatsapp.com/Lb9KI8KEC4wDAtVU2XlcHC
https://chat.whatsapp.com/I5SOV9ZKNeQ1ivwyxEpjz4
https://chat.whatsapp.com/KVyB12YOI1n5zC18W9cZfa
No comments