പ്ലസ് വൺ പ്രവേശനം: ഓൺലൈൻ അപേക്ഷകൾ മേയ് 25 മുതൽ; പുനർമൂല്യനിർണയത്തിനും സേ പരീക്ഷയ്ക്കും അപേക്ഷിക്കാം

തിരുവനന്തപുരം : സംസ്ഥാനത്തെ ഹയർ സെക്കൻഡറി സ്കൂളുകളിലേക്കുള്ള പ്ലസ് വൺ പ്രവേശന നടപടികൾക്ക് തുടക്കമാകുന്നു. ഈ മാസം 25 മുതൽ വിദ്യാർത്ഥികൾക്ക് ഓൺലൈനായി അപേക്ഷകൾ സമർപ്പിച്ചു തുടങ്ങാമെന്ന് പൊതുവിദ്യാഭ്യാസ പ്രിൻസിപ്പൽ സെക്രട്ടറി ഡോ. ഷർമ്മിള മേരി ജോസഫ് പത്രസമ്മേളനത്തിൽ അറിയിച്ചു. എസ്.എസ്.എ.ൽ.സി പരീക്ഷാ ഫലം വന്നതിനു പിന്നാലെ ഉപരിപഠനത്തിനായുള്ള കാത്തിരിപ്പിലാണ് ലക്ഷക്കണക്കിന് വിദ്യാർത്ഥികൾ.

വിദ്യാർത്ഥികൾക്കായി വിപുലമായ സീറ്റുകളാണ് ഇത്തവണ വിവിധ മേഖലകളിലായി ക്രമീകരിച്ചിരിക്കുന്നത്. സംസ്ഥാനത്തെ ഹയർ സെക്കൻഡറി സ്കൂളുകളിൽ നിലവിൽ 3,61,044 സീറ്റുകളുണ്ട്. ഇതിനുപുറമേ വൊക്കേഷണൽ ഹയർ സെക്കൻഡറി (VHSE) സ്കൂളുകളിലായി 33,000 സീറ്റുകളും ലഭ്യമാണ്. സാങ്കേതിക ഉപരിപഠനം ആഗ്രഹിക്കുന്ന വിദ്യാർത്ഥികൾക്കായി പോളിടെക്നിക്കുകളിലും ഐ.ടി.ഐ.കളിലുമായി 30,545 സീറ്റുകൾ വേറെയുമുണ്ട്. വിജയികളായ വിദ്യാർത്ഥികളുടെ എസ്.എസ്.എൽ.സി സർട്ടിഫിക്കറ്റുകൾ ജൂൺ ആദ്യവാരം മുതൽ ഡിജിലോക്കറിൽ ലഭ്യമാക്കുമെന്നും അധികൃതർ അറിയിച്ചു.

പുനർമൂല്യനിർണയം മേയ് 21 വരെ

എസ്.എസ്.എൽ.സി പരീക്ഷാ ഫലത്തിൽ പുനർമൂല്യനിർണയം (Revaluation), സൂക്ഷ്മപരിശോധന (Scrutiny), ഉത്തരക്കടലാസുകളുടെ ഫോട്ടോകോപ്പി എന്നിവ ആവശ്യമുള്ള വിദ്യാർത്ഥികൾക്ക് ഓൺലൈനായി അപേക്ഷിക്കാം. മേയ് 21 വരെയാണ് ഇതിനായി സമയം അനുവദിച്ചിരിക്കുന്നത്. ഫലത്തിൽ മാറ്റങ്ങളുണ്ടായാൽ അത് പ്ലസ് വൺ പ്രവേശന നടപടികളെ ബാധിക്കാത്ത രീതിയിലാണ് ക്രമീകരണങ്ങൾ.

'സേ' പരീക്ഷ ജൂൺ ആദ്യവാരം

എസ്.എസ്.എൽ.സി പരീക്ഷയിൽ പരാജയപ്പെട്ട വിദ്യാർത്ഥികൾക്ക് ഉപരിപഠനത്തിന് അർഹത നേടാനുള്ള 'സേ' (SAY - Save A Year) പരീക്ഷ ജൂൺ ആദ്യവാരത്തിൽ നടക്കും. പരമാവധി മൂന്ന് വിഷയങ്ങൾക്ക് വരെയാണ് വിദ്യാർത്ഥികൾക്ക് സേ പരീക്ഷ എഴുതാൻ അനുവാദമുള്ളത്. പരീക്ഷാ തീയതികളുടെ കൃത്യമായ വിവരങ്ങൾ ഉടൻ തന്നെ പരീക്ഷാ ഭവൻ പുറത്തുവിടും

വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ് ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa