*മുൻഗണന റേഷൻകാർഡുകൾ വിതരണം ചെയ്യുന്നതിൽ റെക്കോഡ് നേട്ടം കൈവരിച്ചതായി ഭക്ഷ്യ-പൊതുവിതരണ മന്ത്രി അനൂപ് ജേക്കബ്*

തിരുവനന്തപുരം : സംസ്ഥാന സർക്കാരിന്റെ നൂറുദിന കർമപരിപാടിയുടെ ഭാഗമായി മുൻഗണന റേഷൻകാർഡുകൾ വിതരണം ചെയ്യുന്നതിൽ റെക്കോഡ് നേട്ടം കൈവരിച്ചതായി ഭക്ഷ്യ-പൊതുവിതരണ മന്ത്രി അനൂപ് ജേക്കബ് അറിയിച്ചു. 50,000 കാർഡുകൾ വിതരണം ചെയ്യുകയെന്നായിരുന്നു ലക്ഷ്യമെങ്കിലും, പരിശോധനകൾ പൂർത്തിയാക്കി 73,024 അപേക്ഷകൾക്ക് അംഗീകാരം നൽകിയതായി മന്ത്രി വ്യക്തമാക്കി.

മൊത്തം 76,338 അപേക്ഷകളാണ് ലഭിച്ചത്. ഇതിൽ 1,353 അപേക്ഷകൾ ആവശ്യമായ രേഖകൾ ഹാജരാക്കാത്തതിനാൽ തിരികെ നൽകിയപ്പോള്‍, മാനദണ്ഡങ്ങൾ പാലിക്കാത്ത 2,011 അപേക്ഷകൾ നിരസിച്ചു. അർഹരായ കൂടുതൽ കുടുംബങ്ങളെ മുൻഗണനാ റേഷൻ പദ്ധതിയുടെ ഭാഗമാക്കാൻ കഴിഞ്ഞത് സർക്കാരിന്റെ ക്ഷേമപ്രവർത്തനങ്ങളുടെ വലിയ വിജയമാണെന്നും അദ്ദേഹം പറഞ്ഞു.

സംസ്ഥാനത്തിന് 4,068 കിലോലിറ്റർ മണ്ണെണ്ണ അനുവദിച്ചിട്ടുണ്ടെന്നും അടുത്തമാസം ഒന്നുമുതൽ എല്ലാ റേഷൻ കടകളിലും മണ്ണെണ്ണയുടെ ലഭ്യത ഉറപ്പാക്കാൻ ഉദ്യോഗസ്ഥർക്ക് നിർദേശം നൽകിയിട്ടുണ്ടെന്നും മന്ത്രി അറിയിച്ചു. റേഷൻ സാധനങ്ങൾ വീടുകളിലെത്തിക്കുന്ന വാതിൽപ്പടി വിതരണ ലോറി തൊഴിലാളികളുമായുള്ള കരാർ പുതുക്കുന്നതും സർക്കാർ പരിഗണനയിലാണെന്നും, അവർക്കുള്ള കുടിശ്ശിക തുക ഉടൻ വിതരണം ചെയ്യുമെന്നും അദ്ദേഹം പറഞ്ഞു. കൂടാതെ, സ്പെഷ്യൽ അരി അടുത്തമാസം പത്തിനകം എല്ലാ റേഷൻ കടകളിലും എത്തിക്കുമെന്നും മന്ത്രി ഉറപ്പുനൽകി.

പുതുതായി അംഗീകാരം ലഭിച്ച മുൻഗണനാ റേഷൻകാർഡ് ഉടമകൾക്ക് അടുത്തമാസം മൂന്നുമുതൽ സൗജന്യ റേഷൻ വിതരണം ആരംഭിക്കും. പദ്ധതിയുടെ സംസ്ഥാനതല ഉദ്ഘാടനം മുഖ്യമന്ത്രി വി.ഡി. സതീശൻ നിർവഹിക്കും.

 വാർത്തകൾക്കും പരസ്യം നല്കാനും വിളിക്കേണ്ട നമ്പർ: 8907020550 വായനക്കാർക്ക് സ്റ്റേറ്റ് എക്സ്പ്രസ്സ്‌ ന്യൂസ് വാട്സാപ്പ്  ഗ്രൂപ്പിൽ ചേരാൻ* താഴെ കാണുന്ന ലിങ്കിൽ ക്ലിക്ക് ചെയ്യുക👇👇👇

https://chat.whatsapp.com/Lb9KI8KEC4wDAtVU2XlcHC

https://chat.whatsapp.com/I5SOV9ZKNeQ1ivwyxEpjz4

https://chat.whatsapp.com/KVyB12YOI1n5zC18W9cZfa